రియల్మీ (Realme) తన కొత్త 15 సిరీస్ స్మార్ట్ఫోన్లను భారతదేశంలో జూలై 24న లాంచ్ చేయబోతోంది. ఈ సిరీస్లో రియల్మీ 15 మరియు 15 ప్రో మోడల్స్ లభించనున్నాయి. ఇప్పటికే ఈ ఫోన్ల హార్డ్వేర్, డిజైన్, కొన్ని కీలక ఫీచర్లపై సమాచారం బయటకు వచ్చింది. గతంలో వచ్చిన రియల్మీ 14 సిరీస్ను కొనసాగిస్తూ, ఈసారి 15 సిరీస్ మరింత అప్గ్రేడ్ అయిన ఫీచర్లతో వినియోగదారులను ఆకట్టుకునేలా తయారైంది. కంపెనీ విడుదలకు ముందు పలు డిజైన్ టీజర్లు కూడా విడుదల చేసింది.
రియల్మీ 15 ప్రో మోడల్ ముఖ్యమైన ఫీచర్లలో 7,000mAh బ్యాటరీ, 80W ఫాస్ట్ ఛార్జింగ్, 144Hz రిఫ్రెష్ రేట్ కలిగిన 4D కర్వ్డ్ డిస్ప్లే, మరియు IP69 రేటింగ్ ఉన్నాయి. ఈ ఫోన్ సన్నగా ఉండే 7.69mm బాడీతో, 187 గ్రాముల బరువుతో వస్తోంది. కెమెరా పరంగా, గత మోడల్స్తో పోలిస్తే ఈసారి స్క్వేర్ మాడ్యూల్ డిజైన్లో ట్రిపుల్ కెమెరా సెటప్, అందులో 50MP వైడ్, అల్ట్రా-వైడ్ యాంగిల్ లెన్స్ కలిగి ఉంటుంది.
ధరల విషయానికి వస్తే, లీకైన సమాచారం ప్రకారం రియల్మీ 15 ప్రో ప్రారంభ ధర రూ. 30,000గా ఉండే అవకాశం ఉంది. టాప్ వేరియంట్ ధర రూ. 40,000 వరకూ ఉండొచ్చని అంచనా. అదే సమయంలో, రియల్మీ 15 5G మోడల్ రూ. 25,000లోపు ఉండొచ్చని సమాచారం. స్టాండర్డ్ రియల్మీ 15 మోడల్ రూ. 20,000లోపు లభించే అవకాశం ఉంది. ఈ ఫోన్లో స్నాప్డ్రాగన్ 7 Gen 4 ప్రాసెసర్, 6,300mAh బ్యాటరీ, 120Hz AMOLED డిస్ప్లే, మరియు ట్రిపుల్ కెమెరా సిస్టమ్ ఉండవచ్చని లీకులు సూచిస్తున్నాయి.
రియల్మీ 15 సిరీస్ లాంచ్ ఈవెంట్ జూలై 24 (గురువారం) సాయంత్రం 7 గంటలకు రియల్మీ అధికారిక యూట్యూబ్ ఛానెల్లో ప్రసారం కానుంది. ఈ సిరీస్తో రియల్మీ మిడ్-రేంజ్ మార్కెట్ను లక్ష్యంగా పెట్టుకొని, పోటీకి సన్నద్ధమవుతోంది. శక్తివంతమైన బ్యాటరీ, ఎలెగెంట్ డిజైన్, అద్భుతమైన కెమెరా సామర్థ్యంతో ఇది యువతను ప్రత్యేకంగా ఆకట్టుకునే అవకాశం ఉంది.
