Header Banner
సాధారణ రైతు కుటుంభంలో పుట్టి విశ్వవ్యాప్తమైన కీర్తిని మూటకట్టుకున్న... ఉషోదయ కిరణం రామోజీరావు!
Sun Jun 09, 2024 11:33 Europe
ఆర్టికల్ బై - శివరామ్ కూరపాటి, లండన్
అక్షర దీప్తికి అక్షరాంజలి! తెలుగు యవనికపై వెలుగుగా నిలిచి, తన కలంతో జాతికి జవసత్వాలు అద్దిన ఉషోదయ కిరణం రామోజీరావు. హలం పట్టి పొలం దున్నిన చేతితో, కలం పట్టి అక్షర సేద్యం చేసి, సామాన్యులని మాన్యులుగా మరల్చిన ఈ పాత్రికేయ కర్షకుడికి తెలుగు జాతి సదా రుణపడే ఉంటుంది. ప్రతి తెలుగు గుమ్మంలో ఉషోదయంతో విరబూసే ఈనాడు, నాటికీ నేటికీ ఏ నాటికీ.. తెలుగు గుండె గొంతుకగానే నిలుస్తుంది.
నా వ్యక్తిత్వ నిర్మాణంలో మా అమ్మా నాన్న, గురువులు & చంద్రబాబు తర్వాత ఆ స్థాయిలో బలమైన ముద్ర వేసింది మాత్రం ఈనాడు అక్షరాలే. 4వ తరగతిలో పరిచయమైన ఈనాడు వయసుతో పాటు పెరుగుతూ జీవితంలో విడదీయలేని ఒక ఆత్మబంధువు అయిపొయింది. నాలాగే కోట్ల మంది తెలుగు ప్రజల జీవితాల్లో ఈనాడుది విడదీయలేని బంధం.
ఒక సాధారణ రైతు కుటుంభంలో పుట్టి విశ్వవ్యాప్తమైన కీర్తిని మూటకట్టుకున్న ఇలాంటి "తెలుగు వెలుగు" మరోటి మన తెలుగునాట ఉదయించునా? తెలుగు జాతికి కష్టం వచ్చిన ప్రతిసారీ తాను సాయం చేయటమే కాకుండా, ముందుండి సమాజాన్ని ఏకతాటిపై నడిపిన మహనీయుడు. భారతీయతకి నిలువెత్తు సంతకంగా మారిన తెలుగు అక్షర రూపమే రామోజీరావు.
అన్ని రకాల వార్తల కోసం ఇక్కడ క్లిక్ చేయండి
తెలుగు వాడి కీర్తి ప్రతిష్టల్ని విశ్వవ్యాప్త చేయటంలో అలుపెరగని పోరాటం చేసి, సామాన్యుల హక్కులకు గొంతుకగా నిలవటమే కాకుండా, బాధ్యతలకి చిరుణామాగా మారిన ఈ అక్షర కిరణం, రాస్తూ రాస్తూనే అక్షరాల నడుమే శాశ్వత నిద్రలోకి జారుకుంది. కానీ అది మనలో రగిల్చిన అక్షర జ్యోతి మాత్రం నిత్య నూతనంగానే వెలుగుతూనే ఉండాలి. అదే మనం ఆ మహనీయునికి ఇచ్చే నిజమైన నివాళి. తెలుగు వాళ్ళు ఆరంభ సూరులే కాదు, ఆ శూరత్వాన్ని తుది శ్వాస వరకు చూపగలరని నిరూపించిన ఓ పోరాట వీరుడా!!! నిన్ను మించిన హక్కుల సూరీడు ఎవరు.
ఆలోచనలకి, ఆశయాలకు, ఆచరణలకి చిరునామాగా నిలిచిన ఓ మార్గదర్శి, నీ స్పూర్తితో మరిన్ని వెలుగు పూలు మన తెలుగు నాట విరబూస్తాయని ఆశిస్తూ, నీకివే నా అక్షరాంజలలు. నా ప్రతి పదం వెనుక అచ్చుగానో, ఒత్తుగానో, హల్లుగానో, పొల్లుగానో దాగుండి నా భావాల నుడికారంతో నన్ను ఉత్తేజింపచేస్తావని స్మరిస్తూ. అక్షర యజ్ఞంలో పుట్టే ప్రజ్ఞా పాఠవాలతో సమాజం వెలిగిపోవాలని ఆశిస్తున్నాము.
ఇవి కూడా చదవండి:
ఎన్నారై తెలుగుదేశం కువైట్ ఆధ్వర్యములో కూటమి విజయోత్సవ వేడుకలు! హాజరైన సభ్యులు!
జగన్ ఫోటోలు ఆఫీసు నుండి చెత్తకుప్ప లోకి! వెంటనే తొలగించాలి!
ఏంటి ఇది నిజమేనా! రెండు పదవులేనా? మోడీ నిర్ణయం ఏమిటి?
కృష్ణాజిల్లాలో పర్యటించనున్న కొడాలి నాని! రాళ్ళు, చెప్పులతో సిద్ధంగా ప్రజలు!
రామోజీరావు మృతికి సినిమా ఇండస్ట్రి నివాళి! రేపు షూటింగ్ లకు సెలవు!
ఈ నెల 11 న టీడీపీ శాసనసభపక్ష సమావేశం! ఉండవల్లి నివాసంలో!
ప్రజా పక్షపాతి, నిరంతర శ్రామికుడు! అక్షర యోధుడికి కన్నీటి నివాళులు - లోకేష్
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #RamojiRao #Health #RamojiRaoDeath #Condolences
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.