Header Banner
గూగుల్ క్రోమ్ వాడేవారికి కేంద్ర ప్రభుత్వం కీలక హెచ్చరిక! ప్రమాదకరమైన లోపాలు గుర్తింపు!
Tue May 27, 2025 17:54 Politics
ఏదైనా సమాచారం కావాలంటే చాలామంది వెంటనే గూగుల్ క్రోమ్ బ్రౌజర్‌ను ఆశ్రయిస్తుంటారు. అయితే, ఈ ప్రముఖ సెర్చ్ ఇంజిన్ గూగుల్ క్రోమ్ వినియోగదారులకు కేంద్ర ప్రభుత్వం కీలక హెచ్చరికలు జారీ చేసింది. ముఖ్యంగా కంప్యూటర్లు లేదా ల్యాప్‌టాప్‌లలో గూగుల్ క్రోమ్ వాడేవారు తక్షణమే స్పందించాలని సూచించింది. ప్రభుత్వరంగ సంస్థ అయిన ఇండియన్ కంప్యూటర్ ఎమర్జెన్సీ రెస్పాన్స్ టీం (CERT-In), క్రోమ్ బ్రౌజర్‌లో కొన్ని తీవ్రమైన భద్రతాపరమైన లోపాలు ఉన్నాయని గుర్తించింది. ఈ లోపాలను ఆసరాగా చేసుకుని సైబర్ నేరగాళ్లు, అంటే హ్యాకర్లు, యూజర్ల ల్యాప్‌టాప్‌ల నుంచి విలువైన వ్యక్తిగత సమాచారం, డేటాను దొంగిలించే ప్రమాదం ఉందని CERT-In స్పష్టం చేసింది.
గూగుల్ క్రోమ్ బ్రౌజర్‌కు చెందిన పాత వెర్షన్లలో కొన్ని లోపాలు ఉన్నాయని, వీటి ద్వారా హ్యాకర్లు యూజర్ల కంప్యూటర్లను సులువుగా తమ ఆధీనంలోకి తీసుకునే అవకాశం ఉందని CERT-In తన నివేదికలో పేర్కొంది. విండోస్ ఆపరేటింగ్ సిస్టంపై క్రోమ్ వాడేవారు 136.0.7103.114 వెర్షన్ కంటే పాతవి వాడుతుంటే ఈ ముప్పు పొంచి ఉందని తెలిపింది. అదేవిధంగా, మ్యాక్ లేదా లైనక్స్ యూజర్లు అయితే, 136.0.7103.113 కంటే ముందున్న వెర్షన్లలో ఈ లోపాలు ఉన్నాయని CERT-In వివరించింది. ప్రధానంగా రెండు రకాల బగ్స్ (లోపాలు) ఈ ముప్పునకు కారణంగా గుర్తించారు.
వాటిలో మొదటిది CVE-2025-4664. క్రోమ్‌లోని ఈ బగ్, బ్రౌజర్ లోడర్ వ్యవస్థను సరిగ్గా అమలు చేయడంలో విఫలమవుతుంది. దీనిని అదునుగా తీసుకుని హ్యాకర్లు ఒక ప్రత్యేకమైన వెబ్‌సైట్ ద్వారా యూజర్ల కంప్యూటర్ నుంచి డేటాను దొంగిలించగలరు. ఇక రెండోది CVE-2025-4609. ఈ బగ్ క్రోమ్ మోజో అనే కాంపోనెంట్‌లో ఉంది. ఇది హ్యాండ్లింగ్ విషయంలో సమస్యను సృష్టిస్తుంది. దీన్ని ఉపయోగించుకుని హ్యాకర్లు యూజర్ల సిస్టమ్‌లోకి చొరబడే ప్రమాదం ఉంది.
రక్షణకు ఏం చేయాలి?
ఈ ప్రమాదకరమైన బగ్స్ నుంచి తమను తాము కాపాడుకోవడానికి, యూజర్లు తమ కంప్యూటర్లలో గూగుల్ క్రోమ్ యొక్క తాజా వెర్షన్‌ను ఉపయోగించాలని CERT-In స్పష్టంగా సూచించింది. ఇందుకోసం క్రోమ్ బ్రౌజర్‌ను అప్‌డేట్ చేసుకోవాల్సి ఉంటుంది.
క్రోమ్ బ్రౌజర్‌ను అప్‌డేట్ చేయడానికి, ముందుగా మీ కంప్యూటర్‌లో క్రోమ్ బ్రౌజర్‌ను తెరవాలి. ఆ తర్వాత, కుడివైపు పైభాగంలో కనిపించే మూడు చుక్కల (మెనూ) గుర్తుపై క్లిక్ చేయాలి. ఇప్పుడు కనిపించే ఆప్షన్లలో ‘హెల్ప్’ (Help) ఆపై ‘ఎబౌట్ గూగుల్ క్రోమ్’ (About Google Chrome) పై క్లిక్ చేయాలి. ఇలా చేసిన వెంటనే గూగుల్ క్రోమ్ బ్రౌజర్ ఆటోమేటిక్‌గా తాజా వెర్షన్‌కు అప్‌డేట్ అవుతుంది. ఈ చిన్న ప్రక్రియ ద్వారా మీ డేటాను సురక్షితంగా ఉంచుకోవచ్చని నిపుణులు సూచిస్తున్నారు.
ఇది కూడా చదవండి: ఏపీ పోలీసు బాస్‌గా అయన నియమకం! ఇక పూర్తిస్థాయి డీజీపీ!
అన్ని రకాల వార్తల కోసం ఇక్కడ క్లిక్ చేయండి
మీకు ఈ న్యూస్ కూడా నచ్చవచ్చు:
లోకేశ్కు పార్టీలో ఆ పదవి.. జోరుగా చర్చ! జీవీ, ఆనం కీలక వ్యాఖ్యలు!
ప్రపంచంలో టాప్-10 వైమానిక దళాలు ఇవే! భారత్ స్థానం ఎక్కడంటే?
కేసీఆర్ కు కవితకు మధ్య గ్యాప్ వెనుక కారణం ఇదే! చేసింది అంతా ఆయనే!
ప్రధాని మోదీ అధ్యక్షతన ఎన్డీయే సీఎంలు, డిప్యూటీ సీఎంల భేటీ.. చేసిన తీర్మానాలు ఇవే!
జంట హత్యల కేసులో ఊహించని ట్విస్ట్.. వైసీపీ మాజీ ఎమ్మెల్యే బ్రదర్స్ పై కేసు నమోదు!
రెండు రోజుల పోలీస్‌ కస్టడీకి పీఎస్ఆర్‌, మధు! ఆంజనేయులపై ప్రశ్నల వర్షం..
ప్రధానికి కృతజ్ఞతలు తెలియజేసిన ఏపీ సీఎం చంద్రబాబు.. ఇవాళ మన్ కీ బాత్ కార్యక్రమం!
వైసీపీకి మరో భారీ షాక్! ఏపీ పోలీసుల అదుపులో మాజీ మంత్రి!
ఇలాంటి పరిస్థితి ఎవరికీ రాకూడదు.. ఆస్తి అడిగామా?
నిరూపించండి.. మనోజ్ ఎమోషనల్!
నిరుద్యోగులకు గుడ్ న్యూస్! నెలకు 2 లక్షల జీతంతో.. భారీ నోటిఫికేషన్!
ఆంధ్ర ప్రవాసి గ్రూప్ లో జాయిన్ అవ్వండి:
#andhrapravasi #GoogleChromeAlert #CyberSecurity #GovtWarning #ChromeUsersAlert #DataSecurity #TechNews #DigitalIndia
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.