Header Banner
ఈ సమ్మర్ లో టూర్ ప్లాన్ చేస్తున్నారా? అతి తక్కువ ధరతో హైదరాబాద్ నుంచి అండమాన్ కు.. ఐఆర్సీటీసీ కొత్త ప్యాకేజీ!
Sat Mar 01, 2025 10:35 Travel.202503016106.jpg)
అందమైన అండమాన్ నికోబార్ దీవుల్లో విహరించాలని కోరుకునే పర్యాటకుల కోసం ఐఆర్సీటీసీ (ఇండియన్ రైల్వే కేటరింగ్ అండ్ టూరిజం కార్పొరేషన్) ప్రత్యేక టూర్ ప్యాకేజీని అందుబాటులోకి తెచ్చింది. వేసవి సెలవుల్లో విహారయాత్రకు వెళ్లాలని భావించే వారికి ఈ ప్యాకేజీ అనువుగా ఉంటుంది. తక్కువ ఖర్చుతో అందమైన బీచ్‌లు, ఆకట్టుకునే దీవులను సందర్శించే అవకాశం కల్పిస్తోంది. ఐఆర్సీటీసీ రూపొందించిన హైదరాబాద్ టు అండమాన్ టూర్ ప్యాకేజీ వివరాలు ఇలా ఉన్నాయి. 5 రాత్రులు, 6 పగళ్ళ వ్యవధి గల ఈ టూర్ ప్యాకేజీలో పోర్ట్ బ్లెయిర్, నెయిల్ ఐలాండ్, హేవ్‌లాక్ ఐలాండ్, రాధానగర్ బీచ్ సహా పలు పర్యాటక ప్రాంతాలను సందర్శించవచ్చు. ఈ ప్యాకేజీ మార్చి 12న ప్రారంభం కానుంది. మొదటి రోజు ఉదయం 6.35 గంటలకు హైదరాబాద్‌లో విమానం ఎక్కి ఉదయం 9 గంటలకు పోర్ట్ బ్లెయిర్ చేరుకుంటారు. హోటల్‌లో చెక్ ఇన్ అయిన తర్వాత సెల్యులార్ జైలు మ్యూజియం, కార్బిన్స్ కోవ్ బీచ్ సందర్శించి, లైట్ అండ్ సౌండ్ షోను ఆస్వాదించవచ్చు. రెండో రోజు పోర్ట్ బ్లెయిర్ నుంచి హేవ్‌లాక్ ద్వీపానికి వెళ్లి రాధానగర్ బీచ్‌లో విహరించవచ్చు.
ఇది కూడా చదవండి: ఏవండోయ్ మాస్టర్ గారు, మేడంగారు అదిరిపోయే ఆఫర్ తెచ్చానండి బాబు.. అతి తక్కువ ధరకే శ్రీలంక టూర్!
మూడో రోజు హేవ్‌లాక్ ద్వీపంలోని కాలాపత్తర్ బీచ్ చూసిన తర్వాత ప్రీమియం క్రూయిజ్ ద్వారా నెయిల్ ఐలాండ్ చేరుకుంటారు. సాయంత్రం సీతాపూర్ బీచ్‌లో గడిపి రాత్రికి నెయిల్ ఐలాండ్‌లో బస చేస్తారు. నాలుగో రోజు భరత్‌పూర్ బీచ్‌లో స్విమ్మింగ్, బోట్ రైడ్, వాటర్ యాక్టివిటీస్‌లో పాల్గొనవచ్చు. అనంతరం క్రూయిజ్ ద్వారా పోర్ట్ బ్లెయిర్‌కు చేరుకుంటారు. ఐదో రోజు రోస్ ఐలాండ్, నార్త్ బే ఐలాండ్, సముద్రిక మెరైన్ మ్యూజియం సందర్శించి రాత్రికి పోర్ట్ బ్లెయిర్‌లో బస చేస్తారు. ఆరో రోజు ఉదయం హోటల్ నుంచి చెక్ అవుట్ అయి 9 గంటలకు పోర్ట్ బ్లెయిర్ విమానాశ్రయానికి చేరుకుని మధ్యాహ్నం 12 గంటలకు హైదరాబాద్‌కు తిరుగు ప్రయాణం అవుతారు. దీంతో టూర్ ప్యాకేజీ ముగుస్తుంది. ప్యాకేజీ ధరల వివరాలు: సింగిల్ ఆక్యుపెన్సీకి రూ.68,320, డబుల్ ఆక్యుపెన్సీకి ఒక్కొక్కరికి రూ.51,600, ట్రిపుల్ ఆక్యుపెన్సీకి రూ.49,960గా నిర్ణయించారు. 5 నుంచి 11 సంవత్సరాల లోపు పిల్లలకు బెడ్‌తో కలిపి రూ.42,950, 2 నుంచి 11 సంవత్సరాల లోపు పిల్లలకు బెడ్ లేకుండా రూ.39,525 వసూలు చేస్తారు. ఈ ప్యాకేజీలో స్నాక్స్, వాటర్ గేమ్స్, వ్యక్తిగత ఖర్చులు, లాండ్రీ, టిప్స్ వంటివి ఉండవు. విమాన ప్రయాణం, సందర్శన స్థలాల ప్రయాణ ఖర్చులు, ఉదయం అల్పాహారం, రాత్రి భోజనం, స్టార్ హోటల్‌లో బస, సందర్శనా స్థలాలకు ప్రవేశ రుసుము, గైడ్ ఛార్జీలు ఈ ప్యాకేజీలో కలిపి ఉంటాయి.
ఇది కూడా చదవండి: నామినేటెడ్ పదవుల భర్తీకి డెడ్‌లైన్.. పార్టీ నిర్మాణంపై కీలక ఆదేశాలు! చంద్రబాబు సంచలన వ్యాఖ్యలు!
అన్ని రకాల వార్తల కోసం ఇక్కడ క్లిక్ చేయండి
మీకు ఈ న్యూస్ కూడా నచ్చవచ్చు:
వైసీపీ మాజీ ఎంపీకి షాక్.. మరో కేసు నమోదు! ఈ వ్యాఖ్యలే ఆయన్ను చిక్కుల్లోకి..
అసలు నిజాన్ని బయటపెట్టిన పోసాని.. ఆ పదవి కోసమే... వారు చెప్పినట్టే చేశాను! సుమారు 9 గంటలపాటు..
నేడు తొలిసారిగా పూర్తిస్థాయి బ‌డ్జెట్.. అనంతరం ఉదయం 10 గంటలకు..
పిల్లల్నీ వదల్లేదు.. 299 మంది రోగులపై అత్యాచారం! వీడు మనిషి కాదు ఎంత క్రూరంగా..
భారతీయ విద్యార్థులకు షాక్ ఇచ్చిన కెనడా.. వారికి వీసా రద్దు చేసే అవకాశం! ఈ కొత్త నిబంధనలతో..
వంశీ కి దిమ్మతిరిగే షాక్.. మళ్లీ మరో కేసు నమోదు! ఇక పర్మినెంట్ గా జైల్లోనే.? మరో 15 మందిపై..
హెచ్చరిక.. ఓసారి మీ అకౌంట్‌ చెక్ చేసుకోండి.. రూ. 236 ఎందుకు కట్‌ అయ్యాయో తెలుసా?
కొత్త రేషన్ కార్డులకు గ్రీన్ సిగ్నల్.. ముహూర్తం ఫిక్స్! అర్హతలు, మార్గదర్శకాలు ఇవే!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #IRCTCAndamanTour2025 #SummerPlans #Travel #ViralNews
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.