ఏపీకి కేంద్రం గుడ్‌న్యూస్! 6 లేన్లతో హైవేకు రూ.1000 కోట్లు మంజూరు!

ఆంధ్రప్రదేశ్‌కు కేంద్ర ప్రభుత్వం మరో గుడ్‌న్యూస్ చెప్పింది. తాజాగా మరో నేషనల్ హైవేకు భారీగా నిధులు కేటాయించింది. ఇప్పటివరకు ఉన్న జాతీయ రహదారి కారిడార్‌ను మరో జాతీయ రహదారికి కలుపుతూ 6 లేన్ల రహదారి నిర్మించేందుకు ఏకంగా రూ.1000 కోట్లు మంజూరు చేసినట్లు కేంద్రం తెలిపింది. ఇక ఈ నిర్ణయంపై డిప్యూటీ సీఎం పవన్ కళ్యాణ్ మోదీ సర్కార్‌కు ధన్యవాదాలు చెప్పారు. 

టీడీపీ-జనసేన-బీజేపీ నేతృత్వంలోని కూటమి ప్రభుత్వం.. ఆంధ్రప్రదేశ్‌లోకి అధికారంలోకి వచ్చిన తర్వాత కేంద్ర ప్రభుత్వం నుంచి రావాల్సిన నిధులు, ప్రాజెక్టులు సహా అన్నింటినీ తీసుకురావడంలో సఫలం అవుతోంది. ఈ క్రమంలోనే తాజాగా ఏపీకి నరేంద్ర మోదీ సర్కార్ మరో తీపికబురు అందించింది. ఆంధ్రప్రదేశ్ ప్రజలు ఎప్పటి నుంచో ఎదురు చూస్తున్న వివిధ నేషనల్ హైవేల విస్తరణకు ఇటీవలే కేంద్ర ప్రభుత్వం గ్రీన్ సిగ్నల్ ఇచ్చిన విషయం తెలిసిందే. ఈ క్రమంలోనే తాజాగా మరో నేషనల్ హైవే విస్తరణకు భారీగా నిధులు మంజూరు చేసింది. అనకాపల్లి - ఆనందపురం నేషనల్ హైవే 16 కారిడార్‌ను నేషనల్ హైవే 516సీ లోని షీలానగర్ జంక్షన్‌ను కలుపుతూ 6 లేన్ల యాక్సెస్ కంట్రోల్డ్ హైవే నిర్మాణానికి ఆమోదం కల్పించింది.

ఈ 6 లేన్ల రహదారి నిర్మాణానికి తాజాగా రూ. 963.93 కోట్లు మంజూరు చేసినట్లు కేంద్రం తెలిపింది. 12.66 కిలోమీటర్లు విస్తరించి ఉన్న ఈ రహదారి.. సబ్బవరం గ్రామానికి తూర్పున మొదలై షీలానగర్ జంక్షన్‌లోని ప్రస్తుత పోర్టు రోడ్డులోని గెయిల్ ఆఫీస్ వద్ద ముగుస్తున్నట్లు సంబంధిత వర్గాలు వెల్లడించాయి. ఇక ఈ కారిడార్ నిర్మాణం వల్ల ఆ ప్రాంతంలో ట్రాఫిక్ సమస్యలు తగ్గుతాయని స్థానికులు చెబుతున్నారు. ఈ 6 లేన్ల యాక్సెస్ కంట్రోల్డ్ హైవే నిర్మాణంతో షీలానగర్-ఆనందపురం మధ్య ప్రస్తుతం వాహనదారుల ఇక్కట్లు తప్పుతాయని.. ఆ మార్గంలో విశాఖపట్నం పోర్టుకు కనెక్టివిటీ పెరగనుందని తెలిపింది.

నామినేటెడ్ పదవులు సంక్రాంతి నుండి? భారీ సంఖ్యలో ఆశా వాదులు! అన్ని అంశాలలో ముందంజలో ఉన్న వారికే! 

అన్ని రకాల వార్తల కోసం  ఇక్కడ క్లిక్ చేయండి

ఈ హైవే నిర్మాణం పూర్తి అయితే.. విశాఖపట్నం పోర్టు లాజిస్టికల్ ఎఫీషియన్సీ మరింత పెరుగుతుందని కేంద్ర ప్రభుత్వ వర్గాలు వెల్లడించాయి. అంతేకాకుండా ఈ కారిడార్ వల్ల విశాఖ నగరవాసుల ట్రాఫిక్ కష్టాలు కూడా తీరుతాయని తెలిపాయి. ఇదిలా ఉండగా.. అటు కేంద్రంలో, ఇటు రాష్ట్రంలో కూడా ఎన్డీఏ ప్రభుత్వం అధికారంలో ఉండటంతో డబుల్ ఇంజిన్ సర్కార్ జోరు కొనసాగుతోంది. దీంతో ఏపీలోని పలు కీలక ప్రాజెక్టుల్లో చంద్రబాబు సీఎం అయ్యాక వేగం పుంజుకున్నాయి. రహదారి నిర్మాణాలకు సంబంధించి ఇప్పటికే పలుచోట్ల విస్తరణ పనులకు కేంద్ర ప్రభుత్వం నుంచి ఆమోదం లభించగా.. అమరావతి ఔటర్ రింగ్ రోడ్డు పనులకు కూడా ఇటీవలె కేంద్రం గ్రీన్ సిగ్నల్ ఇచ్చింది.

ఇక అనకాపల్లి - ఆనందపురం కలుపుతూ 6 లేన్ల యాక్సెస్ కంట్రోల్డ్ హైవే నిర్మాణానికి రూ.1000 కోట్లు ప్రకటించడం పట్ల ఏపీ డిప్యూటీ సీఎం పవన్ కళ్యాణ్ స్పందించారు. కేంద్ర రహదారుల శాఖ మంత్రి నితిన్ గడ్కరీకి హృదయపూర్వక ధన్యవాదాలు తెలిపారు. నిరంతరం ఏపీ అభివృద్ధికి కృషి చేస్తున్నందుకు థ్యాంక్స్ చెప్పారు. ఈ ప్రాజెక్టు వల్ల ట్రాఫిక్ తగ్గడమే కాకుండా విశాఖపట్నం పోర్టుకు కనెక్టివిటీ పెరుగుతుందని.. తద్వార ఆర్థిక వృద్ధికి మరింత ఊతం కలుగుతుందని వెల్లడించారు. దూరదృష్టి గల ప్రధానమంత్రి నరేంద్ర మోదీ నాయకత్వంలో మౌలిక సదుపాయాల అభివృద్ధిలో ఆంధ్రప్రదేశ్ విశేషమైన పురోగతిని సాధిస్తోందని తెలిపారు.

మీకు ఈ న్యూస్ కూడా నచ్చవచ్చు: 
వైసీపీకి మరో ఊహించని బిగ్ షాక్! ఎంపీలు, ఎమ్మెల్యేలు రాజీనామా! ఇప్పట్లో ఆగవేమో!

సూపర్ ఆఫర్.. ఇదీ కావాల్సింది.. అంటూ.. మందుబాబులు! ఆ ఆఫర్ ఏంటో తెలిస్తే క్యూ కట్టాల్సిందే - అక్కడ మాత్రమే!

బంగాళాఖాతంపై అల్పపీడనం.. ఏపీ, తెలంగాణకు భారీ వర్ష సూచన! ఆ జిల్లాలకు రెడ్ అలెర్ట్!

ఉగాది పండుగ సందర్భంగా మహిళలకు ప్రత్యేక బహుమతి! సీఎం చంద్రబాబు విస్తృత ప్రణాళిక!

రాష్ట్రానికి మరో 9 ప్రాజెక్టులు - లక్షలలో ఉద్యోగ ఉపాధి అవకాశాలు! ఎస్ఐపీబీ సమావేశంలో చంద్రబాబు ఆమోదం! 

ఆంధ్ర  ప్రవాసి గ్రూప్ లో జాయిన్ అవ్వండి:

Whatsapp group

Telegram group

Facebook group