దేశంలోనే ఫస్ట్ టైమ్! ఏపీలో రేపటి నుంచే మొదలు! 161 సేవలు వాట్సాప్‌లోనే!

ఆంధ్రప్రదేశ్ ప్రభుత్వం మరో ప్రతిష్టా్త్మక కార్యక్రమానికి శ్రీకారం చుడుతోంది. జనవరి 30వ తేదీ అంటే గురువారం నుంచే ఈ కార్యక్రమం మొదలు కానుంది. పౌరసేవలను మరింత సులభతరం చేయాలనే ఉద్దేశంతో జనవరి 30 నుంచి ఏపీలో వాట్సాప్ గవర్నెన్స్ కార్యక్రమం ప్రారంభం కానుంది. దేశంలోనే తొలిసారిగా ఏపీ ప్రభుత్వం పౌర సేవలు అందించేందుకు వాట్సాప్ గవర్నెన్స్ ప్రారంభించనుంది. వాట్సాప్ గవర్నెన్స్ ద్వారా పౌర సేవలు అందించడంతో పాటుగా ప్రజల నుంచి వినతులు స్వీకరించడం, వారికి అవసరమైన సమాచారాన్ని చేరవేయనున్నారు. 

వాట్సాప్ గవర్నెన్స్ కోసం ఏపీ ప్రభుత్వం గతేడాదిలో మెటాతో ఒప్పందం కుదుర్చుకుంది. ఈ ఏడాది ప్రారంభం నుంచే వాట్సాప్ ద్వారా పౌర సేవలు అందుబాటులోకి తేవాలని ప్రయత్నించినా కుదరలేదు. తాజాగా బుధవారం వాట్సాప్ గవర్నెన్స్‌పై ముఖ్యమంత్రి నారా చంద్రబాబు నాయుడు సమీక్షా సమావేశం నిర్వహించారు. అనంతరం రేపటి నుంచే వాట్సాప్ గవర్నెన్స్ సేవలు అందుబాటులోకి తేవాలని నిర్ణయించారు. ఇక తొలి విడతగా161 సేవలను వాట్సాప్ గవర్నెన్స్ ద్వారా పౌరులకు అందుబాటులో ఉంచాలని ప్రభుత్వం నిర్ణయించింది. ఈ సేవలను ఏపీ ఐటీ శాఖ మంత్రి నారా లోకేష్ గురువారం ప్రారంభిస్తారు. 

ఇంకా చదవండి: కుంభమేళా కి వెళ్ళిన రోజా.. తొక్కిసలాటలో 20 మంది మృత్యువాత! 

ఇంకా చదవండి: నామినేటెడ్ పదవులు ఆశించేవారు తప్పనిసరిగా ఇలా చేయాలి... ఎమ్మెల్యేలకు పలు కీలక సూచనలు! 

అన్ని రకాల వార్తల కోసం  ఇక్కడ క్లిక్ చేయండి

వాట్సాప్ గవర్నెన్స్ కోసం ఏపీ ప్రభుత్వం ఒక వాట్సాప్ నంబర్‌ను ప్రకటించనుంది. ఈ వాట్సాప్ అకౌంట్‌కు వెరిఫైడ్ ట్యాగ్ కూడా ఉంటుంది. ఈ నంబరు ద్వారా వాట్సాప్ ఖాతాను ఉపయోగించి పౌర సేవలు పొందే అవకాశం కల్పించనున్నారు. ప్రస్తుతానికైతే తొలివిడతలో 161 సేవలు వాట్సాప్ ద్వారా అందిస్తారు. అందులో దేవాదాయ, విద్యుత్, ఆర్టీసీ, రెవెన్యూ సేవలు ఉంటాయి. అలాగే అన్న క్యాంటీన్, సీఎంఆర్ఎఫ్, మున్సిపల్ శాఖల సేవలు అందుబాటులో ఉంటాయి. విద్యుత్తు బిల్లులు, పన్నుల చెల్లింపుల వంటి సేవలతో పాటుగా దేవాలయాల్లో దర్శనాలు, వసతి గదుల బుకింగ్, విరాళాల సమర్పణకు ఇది ఉపయోగపడనుంది. అలాగే పర్యాటక ప్రదేశాల సమాచారం, టికెట్ బుకింగ్ వంటివి ఈ వాట్సాప్ గవర్నెన్స్ ద్వారా ఈజీగా చేయొచ్చు. రెవెన్యూ శాఖకు సంబంధించిన భూ రికార్డులు, ఆదాయ ధ్రువీకరణ వంటి సర్టిఫికెట్లు సులభంగా పొందొచ్చు. 

పౌర సేవలతో పాటుగా ప్రజలకు సమాచారాన్ని చేరవేసేందుకు కూడా ఈ వాట్సాప్ గవర్నెన్స్ ఉపయోగపడనుంది. ప్రకృతి విపత్తులు, భారీ వర్షాల సమయంలో ఈ వాట్సాప్ నంబర్ ద్వారా సమాచారం వేగంగా చేరవేయవచ్చని అధికారులు చెప్తున్నారు. ఫలితంగా వేగంగా వారిని అప్రమత్తం చేసే వీలుంటుందని భావిస్తున్నారు. ప్రభుత్వ పథకాలకు సంబంధించిన సమాచారం కూడా ఈ వాట్సాప్ ఖాతా ద్వారా చేరవేయనున్నారు. సంక్షేమ పథకాలు, వాటి అర్హతలు గురించి ఈ వాట్సాప్ నంబర్‌కు సందేశం పంపడం ద్వారా పూర్తి వివరాలను ప్రజలు తెలుసుకునేలా ఏర్పాట్లు చేశారు. 

ప్రజల నుంచి ఫిర్యాదులు, వినతులను స్వీకరించేందుకు కూడా ఈ వాట్సాప్ గవర్నెన్స్ ఉపయోగపడనుంది. ప్రభుత్వానికి ఏదైనా ఫిర్యాదు చేయాలనుకుంటే ఈ నంబరుకు మెసేజ్‌ పంపితే సరిపోతుంది. మెసేజ్ అనంతరం అందులో సూచించిన విధంగా వివరాలు నమోదు చేసి సబ్మిట్ చేస్తే మనకో రిఫరెన్స్ నంబర్ వస్తుంది. ఆ రెఫరెన్స్ నంబర్ ద్వారా మన ఫిర్యాదు, లేదా వినతి ఎక్కడ ఉందనే సమాచారాన్ని ట్రాక్ చేయవచ్చు.

మీకు ఈ న్యూస్ కూడా నచ్చవచ్చు:

కుంభమేళా కి వెళ్ళిన రోజా.. తొక్కిసలాటలో 20 మంది మృత్యువాత!

ఇందులో సభ్యులుగా ఉంటేనే నామినేటెడ్ పదవులు! నేతలకు చంద్రబాబు కండిషన్.. ప్రభుత్వం కీలక నిర్ణయం!

రాజీనామా, పార్టీ మార్పు - తేల్చేసిన వైసీపీ ఎంపీ అయోధ్య రామిరెడ్డి! ఓటమి ఎదురైనప్పుడే..

జానీ మాస్టర్ కు మరో ఎదురుదెబ్బ.. యాంకర్ ఝాన్సీ కీలక ప్రకటన! ఈ పోస్టు సోషల్ మీడియాలో వైరల్!

నేడు (29/1) తెలుగుదేశం పార్టీ కేంద్ర కార్యాలయంలో "ప్రజా వేదిక" కార్యక్రమం! పాల్గొననున్న నాయకుల షెడ్యూల్!

ఏపీలో మరో ఫ్లై ఓవర్‌కు గ్రీన్ సిగ్నల్! కేంద్ర మంత్రి ప్రకటన! ఆ రూట్ లోనే!

ఏపీ సర్కార్ సంచలన నిర్ణయం! భూముల రిజిస్ట్రేషన్ ఛార్జీల పెంపు.. ఆ 29 గ్రామాల్లో మాత్రం పెరగవు..

గుడ్ న్యూస్.. చంద్రబాబు పలు పథకాల అమలకు సంబంధించి కీలక వ్యాఖ్యలు! అకౌంట్లోకి రూ.15,000లు..

విజయసాయిరెడ్డి రాజీనామా వెనుక కారణాలు వెల్లడించిన కేతిరెడ్డి! ఆ సమయంలో కొన్ని తప్పులు..!

ఆంధ్ర  ప్రవాసి గ్రూప్ లో జాయిన్ అవ్వండి:

Whatsapp group

Telegram group

Facebook group