Header Banner
కుంభమేళా కోసం ఏపీఎస్ఆర్టీసీ స్పెషల్ ఆఫర్! అయోధ్యలో దర్శనం కూడా!
Tue Jan 28, 2025 10:03 Travel
ఉత్తప్రదేశ్‌లో జరుగుతున్న మహాకుంభమేళాకు భక్తులు భారీగా తరలివస్తున్నారు. జనవరి 13న మొదలై ఫిబ్రవరి 26తో ముగియనుంది. ప్రతి రోజూ మహాకుంభమేళాలో పాల్గొని, పుణ్యస్నానాలు ఆచరించేందుకు లక్షలాది మంది భక్తులు తరలివస్తున్నారు. ఆంధ్రప్రదేశ్ నుంచి మహాకుంభమేళాకు వెళ్లాలని ప్లాన్ చేసుకుంటున్నవారికి ఏపీఎస్ఆర్టీసీ తీపికబురు చెప్పింది. ఏపీఎస్ఆర్టీసీ కుంభమేళాకు వెళ్లే భక్తులకు ప్రత్యేకంగా ప్యాకేజీ ప్రకటించింది. విజయవాడ నుంచి ఆర్టీసీ ప్రత్యేకంగా ఈ బస్సుల్ని నడుపుతోంది.. ఈ మేరకు ఓ ప్రకటన విడుదల చేశారు. కుంభమేళాకు వెళ్లే ఈ యాత్రలో ప్రయాగరాజ్‌తో పాటు అయోధ్య, కాశీ పుణ్యక్షేత్రాలను దర్శించుకొనే అవకాశం ఉంటుంది. 8 రోజుల యాత్రలో సుమారు 3,600 కిలో మీటర్లు ట్రిప్ ఉంటుంది.
ఇంకా చదవండి: విజయసాయిరెడ్డి రాజీనామాపై స్పందించిన వైసీపీ అధిష్టానం! సంచలన వ్యాఖ్యలు!
ఫిబ్రవరి 1వ తేదీన ఉదయం విజయవాడ పీఎన్‌బీఎస్‌ (పండిట్ నెహ్రూ బస్టాండ్) నుంచి బస్సులు బయల్దేరి.. ఫిబ్రవరి 2న సాయంత్రానికి ప్రయాగరాజ్‌ చేరుకుంటారు. ఫిబ్రవరి 3న ప్రయాగరాజ్‌లో బస చేస్తారు.. 4న రాత్రి నుంచి అయోధ్యకు వెళతారు. ఫిబ్రవరి 5న ఉదయం అయోధ్య చేరుకుని బాల రాముడిని దర్శించుకున్న తర్వాత రాత్రికి వారణాసికి బయల్దేరి వెళతారు. ఫిబ్రవరి 6న వారణాసి చేరుకొని అక్కడే రాత్రికి బస చేస్తారు.. ఫిబ్రవరి 7న ఉదయం వారణాసి నుంచి బయల్దేరి.. ఫిబ్రవరి 8న బస్సులు విజయవాడకు తిరిగి చేరుకుంటాయి.
అన్ని రకాల వార్తల కోసం ఇక్కడ క్లిక్ చేయండి
ఛార్జీల విషయానికి వస్తే.. ఈ యాత్రలో పిల్లలు, పెద్దలకు ఒకటే ఛార్జీ.. సూపర్ లగ్జరీ-రూ.8వేలు, స్టార్‌ లైనర్‌ నాన్‌ ఏసీ స్లీపర్‌-రూ.11,000, వెన్నెల ఏసీ స్లీపర్‌- రూ.14,500 ఛార్జీలుగా నిర్ణయించారు. ఇవి బస్సు ఛార్జీలు మాత్రమే, భోజనం, వసతి ఖర్చులు భక్తులే పెట్టుకోవాల్సి ఉంటుంది. కుంభమేళా యాత్రకు వెళ్లాలనుకుంటున్నవారు 35, 29మంది ఒక గ్రూప్‌గా వస్తే బస్సుల్ని ఏర్పాటు చేస్తామని ఆర్టీసీ అధికారులు తెలిపారు. అంతేకాదు ముందస్తు రిజర్వేషన్‌ కోసం ఆన్‌లైన్, సమీప బస్‌ స్టేషన్, ఆర్టీసీ టికెట్‌ బుకింగ్‌ ఏజెంట్ల దగ్గర టికెట్లు పొందొచ్చు. ఈ యాత్రకు సంబంధించి మరిన్ని వివరాలకు 80742 98487, 0866 2523926, 0866 2523928 నంబర్లలో సంప్రదించాలని కోరారు అధికారులు. ఆర్టీసీ ఇప్పటికే కొవ్వూరు, రాజమహేంద్రవరం డిపోల నుంచి బస్సులు ఏర్పాటు చేసింది. ఇప్పటికే ఆ బస్సుల్లో రిజర్వేషన్లు పూర్తయ్యాయి.
మీకు ఈ న్యూస్ కూడా నచ్చవచ్చు:
మూడో మేనిఫెస్టో విడుదల చేసిన అమిత్ షా! 62 వేల గ్రూపుల సలహాలు, సూచనలు..
విజయసాయిరెడ్డి రాజీనామాపై చంద్రబాబు ఆసక్తికర వ్యాఖ్యలు! పార్టీ పరిస్థితి కూడా..
ఈ విషయంలో భారతీయుల గుండెల్లో గుబులు! అమెరికా వద్దంటే.. ఈ దేశాలు రారమ్మంటున్నాయ్.. ఆ వివరాలు..
రైతులకు ప్రభుత్వం భారీ శుభవార్త! వారి అకౌంట్లలోకి రూ.53 వేలు జమ!
ఎమ్మెల్యే పై టమాటాలు, గుడ్లు విసిరిన జనం.. దీంతో గ్రామసభలో ఉద్రిక్తత!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #Travel #AP #AndhraPradesh #Kumbhamela #uttarPradesh #PrayagRaj
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.