Header Banner
ఫుట్‌బాల్ మ్యాచ్‌లో విషాదం... అభిమానుల మధ్య ఘర్షణ! 100 మందికి పైగా మృతి!
Tue Dec 03, 2024 12:37 Others
పుట్‌బాల్ మ్యాచ్ సందర్భంగా అభిమానుల మధ్య ఘర్షణ చోటుచేసుకుని.. వంద మంది ప్రాణాలు కోల్పోయారు. అత్యంత విషాదకర ఈ ఘటన పశ్చిమాఫ్రికా దేశం గినియాలో చోటు చేసుకుంది. మ్యాచ్ జరుగుతుండగా అభిమానుల మధ్య మొదలైన వాగ్వాదం ఘర్షణకు దారితీసింది. దీంతో ఒకరిపై ఒకరు దాడికి దిగారు. ఈ ఘటన 100 మంది ప్రాణాలు కోల్పోగా.. వందల సంఖ్యలో గాయపడ్డారు. రెండు జట్ల అభిమానుల మధ్య మొదలైన చిన్న గొడవ చినికి చినికి గాలివానలా మారింది. మ్యాచ్‌కు హాజరైన ప్రేక్షకులు రెండు వర్గాలుగా చీలిపోయి ఒకరిపై ఒకరు దాడులు చేసుకున్నారు.
గినియా మిలిటరీ జుంటా నేత మమాడి దౌంబోయ గౌరవార్థం జెరెకొరె నగరంలో ఓ ఫుట్‌బాల్ టోర్నమెంట్‌ నిర్వహించారు. ఇందులో భాగంగా ఆదివారం జరిగిన మ్యాచ్ మధ్యలో రిఫరీ తీసుకున్న ఓ నిర్ణయం వివాదాస్పదమైంది. దాన్ని వ్యతిరేకించిన ఓ జట్టు అభిమానులు మైదానంలోకి దూసుకెళ్లారు. అవతలి జట్టు అభిమానులు వీరిని అడ్డుకోవడంతో ఘర్షణ చెలరేగింది. దీంతో వేలాది మంది అభిమానులు వీధుల్లోకి వచ్చి పరస్పరం దాడులకు దిగారు.
ఇంకా చదవండి: నామినేటెడ్ పదవుల అంశంపై సీఎం, డిప్యూటీ సీఎం సీరియస్ డిస్కషన్! ఢిల్లీ పర్యటనపై కీలక అప్డేట్!
అన్ని రకాల వార్తల కోసం ఇక్కడ క్లిక్ చేయండి
ఈ సందర్భంగా రెచ్చిపోయిన అల్లరి మూకలు స్థానిక పోలీస్‌స్టేషన్‌కు నిప్పంటించాయి. ఈ హింసాత్మక ఘర్షణల్లో వంద మందికి చనిపోగా.. అనేకమంది తీవ్రంగా గాయపడ్డారు. క్షతగాత్రుల్లో చాలామంది పరిస్థితి విషమంగా ఉండటంతో మృతుల సంఖ్య ఇంకా పెరిగే అవకాశం ఉన్నట్లు అధికారులు వెల్లడించారు. ఈ ఘర్షణకు సంబంధించిన వీడియోలు సోషల్‌ మీడియాలో ప్రస్తుతం వైరల్‌గా మారాయి. ఆసుపత్రిలో పదుల సంఖ్యలో మృతదేహాలు చెల్లాచెదురుగా పడి ఉన్న దృశ్యాలు ప్రతి ఒక్కరినీ కలచివేస్తున్నాయి. డజన్ల మంది చనిపోయారని స్థానిక వైద్యుడు ఒకరు తెలిపారు.
కాగా, గతంలోనూ అభిమానులు రెండుగా చీలిపోయిన ఘర్షణ పడి.. దాడులు చేసుకున్న ఘటనలు పలుచోట్ల జరిగాయి. గతేడాది అక్టోబరులో వన్డె ప్రపంచకప్ క్రికెట్ టోర్నీలో భారత్, అఫ్గన్ జట్ల మధ్య ఢిల్లీలోని అరుణ్ జైట్లీ స్టేడియాలో జరిగిన మ్యాచ్ మధ్యలో అభిమానులు ఘర్షణ పడ్డారు. ఈ వీడియో అప్పట్లో తెగ వైరల్ అయ్యింది.
మీకు ఈ న్యూస్ కూడా నచ్చవచ్చు:
ఏపీ ప్రజలకు అలర్ట్.. రేషన్ కార్డులపై సర్కార్ క్లారిటీ - అదంతా ఒట్టిదే! వారి స్థానంలో కొత్త కార్డులు!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #Africa #WWestAfrica #FootBall
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.