Header Banner
పోస్టాఫీస్ పథకాలపై కేంద్రం కీలక ప్రకటన! కొత్త వడ్డీ రేట్లు ఇవే!
Sun Jan 05, 2025 12:25 Business
చిన్న మొత్తాల పొదుపు పథకాలకు ప్రజల్లో ఫుల్ డిమాండ్ ఉంటుందన్న సంగతి తెలిసిందే. ఇక్కడ కేంద్ర ప్రభుత్వం మద్దతు ఉండటం సహా చిన్న మొత్తాల్లో డిపాజిట్లు చేయొచ్చు. గ్యారెంటీ రిటర్న్స్ వస్తాయి. రిస్క్ ఉండదు. షార్ట్ టర్మ్, లాంగ్ టర్మ్ అనే తేడా లేకుండా ఎన్నో స్కీమ్స్ ఉన్నాయి. ఇటీవల కేంద్రం.. ఈ పథకాల వడ్డీ రేట్లను ప్రకటించింది. దేంట్లో ఇప్పుడు వడ్డీ రేట్ల సంగతేంటి? తెలుసుకుందాం.
ఎలాంటి రిస్క్ లేకుండా పెట్టుబడులపై మంచి రాబడి రావాలంటే.. బెస్ట్ ఆప్షన్ కేంద్ర ప్రభుత్వ పథకాలు అని చెప్పొచ్చు. అవే చిన్న మొత్తాల పొదుపు పథకాలు లేదా పోస్టాఫీస్ సేవింగ్స్ స్కీమ్స్. దీనికి కేంద్ర ప్రభుత్వం మద్దతు ఉంటుంది. రిస్కే లేకుండా కేంద్రం మద్దతుతో గ్యారెంటీ రిటర్న్స్ వస్తాయి. నిర్దిష్ట వడ్డీ రేట్ల ప్రకారం.. నిర్ణీత కాలానికి.. స్థిరమైన రిటర్న్స్ సొంతం చేసుకోవచ్చు. ఇందులో అతిపెద్ద బెనిఫిట్.. చాలా చిన్న మొత్తాల్లో పెట్టుబడులు పెట్టి కూడా ఈ పథకాల్లో చేరొచ్చు. కొన్ని పథకాల్లో మంచి పన్ను ప్రయోజనాలు ఉంటాయి. ఇక్కడ స్వల్ప కాలం, దీర్ఘకాలం ఇలా వేర్వేరు వ్యవధులకు వేర్వేరు స్కీమ్స్ ఉన్నాయి. సీనియర్ సిటిజెన్ల కోసం, ఉద్యోగుల కోసం, ఆడపిల్లల కోసం, మహిళల కోసం.. ఎవరి కోసం వారికి ప్రత్యేకంగా పథకాలు ఉన్నాయని చెప్పొచ్చు.
ఈ చిన్న మొత్తాల పొదుపు పథకాల వడ్డీ రేట్లను కేంద్రం ప్రతి 3 నెలలకు ఓసారి సవరిస్తుంటుంది. ద్రవ్యోల్బణం ఆధారంగా వడ్డీ రేట్లను పెంచడం లేదా తగ్గించడం లేదా స్థిరంగా ఉంచడం చేస్తుంటుంది. గత కొంత కాలంగా వడ్డీ రేట్లను తగ్గించట్లేదు కానీ అలా అని పెంచట్లేదు కూడా. ఇప్పుడు అక్టోబర్- డిసెంబర్ త్రైమాసికం ముగిసిన తర్వాత.. జనవరి- మార్చికి సంబంధించి వడ్డీ రేట్లను కేంద్రం ప్రకటించింది. అయితే వడ్డీ రేట్లు పెరుగుతాయనుకుంటే మరోసారి ఇన్వెస్టర్లకు నిరాశే ఎదురైంది. అన్ని పథకాల్లో వడ్డీ రేట్లను యథాతథంగానే ఉంచింది.
ఇంకా చదవండి: నామినేటెడ్ పదవులు సంక్రాంతి నుండి? భారీ సంఖ్యలో ఆశా వాదులు! అన్ని అంశాలలో ముందంజలో ఉన్న వారికే!
అన్ని రకాల వార్తల కోసం ఇక్కడ క్లిక్ చేయండి
స్మాల్ సేవింగ్స్ స్కీమ్స్‌లో పబ్లిక్ ప్రావిడెంట్ ఫండ్‌కు అత్యంత ఆదరణ ఉంది. అయితే ఇక్కడ గత కొన్నాళ్లుగా వడ్డీ రేట్లు తగ్గుతూ వచ్చాయి. 2000 సంవత్సరంలో 12 శాతం వడ్డీ రేటు ఉండగా.. 2020 నాటికి అది 7.10 శాతానికి పడిపోయింది. అప్పటినుంచి స్థిరంగానే ఉంది. ఈసారైనా పెంచుతారనుకుంటే మరోసారి నిరాశే ఎదురైంది.
సుకన్య సమృద్ధి యోజన పథకం వడ్డీ రేట్లు సరిగ్గా ఏడాది కిందట 8 శాతం నుంచి 8.20 శాతానికి పెరగ్గా అప్పటినుంచి వరుసగా నాలుగోసారీ స్థిరంగానే ఉంది. ఇది కేవలం ఆడపిల్లల కోసమే ప్రత్యేకంగా ఉద్దేశించిన పథకం. పదేళ్ల లోపు వయసున్న బాలికలు ఇందులో చేరొచ్చు. సీనియర్ సిటిజెన్ సేవింగ్స్ స్కీమ్ వడ్డీ రేట్లు 8.20 శాతంగా ఉన్నాయి. ఇది రిటైర్మెంట్ తర్వాత మంచి బెనిఫిట్ అందిస్తుంది. గరిష్ట పెట్టుబడులతో నెలకు దాదాపు రూ. 20 వేలకుపైగా అందుకోవచ్చు.
ఇతర పథకాల విషయానికి వస్తే.. నేషనల్ సేవింగ్స్ సర్టిఫికెట్‌లో వడ్డీ రేటు 7.7 శాతంగా ఉంది. కిసాన్ వికాస్ పత్రలో 7.50 శాతంగానే వడ్డీ రేటు ఉంది. ఇక్కడ 115 నెలల్లో అకౌంట్ మెచ్యూర్ అవుతుంది. పోస్టాఫీస్ ఐదేళ్ల టైమ్ డిపాజిట్‌లో కూడా వడ్డీ రేటు 7.50 శాతంగానే ఉంది. మంత్లీ ఇన్‌కం అకౌంట్ పథకంలో వడ్డీ రేటు 7.40 శాతంగా ఉంది. పీపీఎఫ్ సహా మూడేళ్ల టైమ్ డిపాజిట్ వడ్డీ రేటు 7.10 శాతంగా ఉంది. రెండేళ్ల టైమ్ డిపాజిట్ వడ్డీ రేటు 7 శాతంగా ఉంది. ఏడాది టైమ్ డిపాజిట్‌లో 6.9 శాతం, ఐదేళ్ల రికరింగ్ డిపాజిట్ వడ్డీ రేటు 6.7 శాతంగా ఉండగా.. పోస్టాఫీస్ సేవింగ్స్ డిపాజిట్‌లో మాత్రం వడ్డీ రేటు 4 శాతంగానే ఉంది.
మీకు ఈ న్యూస్ కూడా నచ్చవచ్చు:
లోకేశ్: విద్యాశాఖలో నేను తీసుకున్న మొదటి నిర్ణయం ఇదే! ఎప్పుడూ టఫ్ టాస్క్ తీసుకుంటా..
ఆ మూడు తేదీల్లోనే శ్రీవారిని దర్శించుకోవాలని అనుకోవద్దు! భక్తులకు టీటీడీ చైర్మన్ విజ్ఞప్తి!
ఏపీలో ఆ 10 జిల్లాలకు కేంద్రం శుభవార్త! నిధులు విడుదల!
ఆస్ట్రేలియా గడ్డపై ఆ జట్టుపై అత్యధిక వికెట్లు! 46 ఏళ్ల రికార్డు బద్దలు..
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #Business #Investments #Schemes #Government
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.