ఎన్నికల వేళ కేజ్రీవాల్‌కు బిగ్ షాక్! తెరపైకి మళ్లీ ఢిల్లీ లిక్కర్ కేసు!

మరికొన్ని రోజుల్లో ఢిల్లీ అసెంబ్లీ ఎన్నికలు జరగనున్న వేళ.. మరోసారి ఢిల్లీ లిక్కర్ పాలసీ కేసు తెరపైకి వచ్చింది. ఢిల్లీ మద్యం పాలసీ కేసులో కేజ్రీవాల్‌ను విచారణ జరిపేందుకు ఈడీకి.. కేంద్రం అనుమతినిచ్చింది. దీంతో త్వరలోనే కేజ్రీవాల్‌ను ఈడీ అధికారులు విచారణ జరపనున్నారు. అసెంబ్లీ ఎన్నికలకు ముందు మళ్లీ ఢిల్లీ మద్యం పాలసీ కేసు తెరపైకి రావడంతో ఆప్, బీజేపీ మధ్య మరోసారి మాటల యుద్ధం చోటు చేసుకుంటోంది.

దేశవ్యాప్తంగా ఢిల్లీ మద్యం పాలసీ కేసు ఎంత దుమారం రేపిందో తెలిసిందే. గత 3 ఏళ్లుగా దేశవ్యాప్తంగా వివిధ రాష్ట్రాలకు చెందిన వారిని, వివిధ పార్టీలకు చెందిన వారిని సీబీఐ, ఈడీ అధికారులు అరెస్ట్ చేసి విచారణ జరిపిన సంగతి తెలిసిందే. ఇందులో భాగంగానే ఢిల్లీ ముఖ్యమంత్రిగా ఉన్న సమయంలోనే అరవింద్ కేజ్రీవాల్‌ను అరెస్ట్ చేయడం.. ఆప్ నేతలు, ఢిల్లీ మంత్రులుగా ఉన్న మనీష్ సిసోడియా, సత్యేందర్ జైన్ సహా పలువురు ఎంపీలు, ఎమ్మెల్యేలు అరెస్ట్ చేసిన విషయం తెలిసిందే. ఇక ఈ ఢిల్లీ లిక్కర్ పాలసీ కేసులో అరెస్ట్ అయిన దాదాపు అందరికీ.. బెయిల్ మంజూరు కావడంతో వారంతా జైలు నుంచి బయటికి వచ్చారు.

ఈ నేపథ్యంలోనే తాజాగా ఈ ఢిల్లీ మద్యం కుంభకోణం కేసులో కీలక పరిణామం చోటు చేసుకుంది. ఢిల్లీ మాజీ ముఖ్యమంత్రి, ఆమ్ ఆద్మీ పార్టీ నేషనల్ కన్వీనర్ అరవింద్ కేజ్రీవాల్‌ను విచారణ జరిపేచేందుకు ఈడీకి కేంద్ర హోంశాఖ గ్రీన్ సిగ్నల్ ఇచ్చింది. మరికొన్ని రోజుల్లోనే ఢిల్లీ అసెంబ్లీ ఎన్నికలు జరగనున్న నేపథ్యంలో ఇప్పుడు కేజ్రీవాల్‌పై ఈడీ విచారణకు అనుమతి రావడం.. ఢిల్లీ రాజకీయాల్లో హాట్ టాపిక్‌గా మారింది. ప్రజాప్రతినిధులను విచారణ జరపాలంటే ఈడీ ముందస్తు అనుమతి పొందాలని సుప్రీంకోర్టు గతేడాది నవంబర్‌లో ఆదేశించిన నేపథ్యంలో తాజాగా కేంద్రం నుంచి ఈడీకి అనుమతులు వచ్చాయి.

ఇంకా చదవండి: నామినేటెడ్ పదవులకు రెండు కేటగిరీలుగా విభజన - తాజా లిస్టు? వేతనాలు ఫిక్స్ - మరో కీలక నిర్ణయం!

అన్ని రకాల వార్తల కోసం  ఇక్కడ క్లిక్ చేయండి

ఈ క్రమంలోనే అరవింద్ కేజ్రీవాల్‌ను.. ఢిల్లీ మద్యం పాలసీ కుంభకోణం కేసులో విచారణకు అనుమతించాలని కోరుతూ గత నెలలో ఢిల్లీ లెఫ్టినెంట్‌ గవర్నర్‌ వీకే సక్సేనాకు ఈడీ అధికారులు లేఖ రాశారు. దానికి ఎల్జీ వీకే సక్సేనా ఆమోదం తెలపడంతో ఆ విషయాన్ని కేంద్ర హోంశాఖ దృష్టికి ఈడీ తీసుకెళ్లింది. ఆ తర్వాత కేజ్రీవాల్‌ను విచారించేందుకు ఈడీకి కేంద్రం గ్రీన్‌ సిగ్నల్‌ ఇచ్చింది. దీంతో త్వరలోనే కేజ్రీవాల్‌ను ఈడీ అధికారులు విచారించే అవకాశాలు స్పష్టంగా కనిపిస్తున్నాయి.

కొత్త మద్యం పాలసీలో భాగంగా అవకతవకలకు పాల్పడ్డారన్న ఆరోపణలపై 2024 మార్చి 21వ తేదీన అప్పుడు ఢిల్లీ ముఖ్యమంత్రిగా ఉన్న అరవింద్ కేజ్రీవాల్‌ను ఈడీ అధికారులు విచారణ జరిపి అరెస్ట్ చేశారు. ఆ తర్వాత ఇదే వ్యవహారంలో సీబీఐ కూడా కేసు నమోదు చేయగా.. గతేడాది జూన్‌లోనే కేజ్రీవాల్‌ను కస్టడీలోకి తీసుకుంది. దీనిపై కేజ్రీవాల్ సుప్రీంకోర్టును ఆశ్రయించగా.. గత సెప్టెంబరులో బెయిల్‌ మంజూరైంది. ఇక ఆ తర్వాత కొన్ని నెలల పాటు జైలులో ఉండి.. బయటికి వచ్చిన తర్వాత అసెంబ్లీ ఎన్నికలకు ముందు ఢిల్లీ ముఖ్యమంత్రి పదవికి కేజ్రీవాల్ రాజీనామా చేసి.. ఆ బాధ్యతలను అతిశీకి అప్పగించారు. మరోవైపు.. 70 సీట్లు ఉన్న ఢిల్లీ అసెంబ్లీకి ఫిబ్రవరి 5వ తేదీన ఒకేవిడతలో అసెంబ్లీ ఎన్నికల పోలింగ్‌ జరగనుంది. ఫిబ్రవరి 8వ తేదీన కౌంటింగ్ చేపట్టి రిజల్ట్స్ విడుదల చేయనున్నారు.

మీకు ఈ న్యూస్ కూడా నచ్చవచ్చు:

18 ఏళ్లు నిండిన మహిళలకు భారీ శుభవార్త! నెలకు రూ.7వేలు డైరెక్ట్ గా అకౌంట్లోకే!

పులివెందుల డీఎస్పీ ను బహిరంగంగా బెదిరించిన జగన్! మా కార్యకర్తలపై కేసులు పెడతావా! తర్వాత మీ కథ ఉంటుంది!

ఏపీ కో-ఆపరేటివ్ బ్యాంక్ పోస్టుల భర్తీకి భారీ నోటిఫికేషన్ విడుదల! దరఖాస్తు వివరాలు తెలసుకోండి!

జగన్ వి పగటి కలలా లేక రాత్రి కలలా? వైసీపీ ఎందుకు ఖాళీ అవుతోందో ఇప్పుడు అర్థం అవుతుంది!

జగన్ వి పగటి కలలా లేక రాత్రి కలలా? వైసీపీ ఎందుకు ఖాళీ అవుతోందో ఇప్పుడు అర్థం అవుతుంది!

ఏపీ ప్రభుత్వం వారికి మరో అదనపు సెలవు ప్రకటించింది! జీవో 73తో ఉద్యోగులకు రిలీఫ్!

ఆంధ్ర  ప్రవాసి గ్రూప్ లో జాయిన్ అవ్వండి:

Whatsapp group

Telegram group

Facebook group