నేషనల్ హైవేలపై దృష్టి పెట్టిన ఏపీ ప్రభుత్వం! తాజాగా రూ.5,417 కోట్లతో... ఈ రూట్ లోనే!

ఆంధ్రప్రదేశ్ ప్రభుత్వం రాష్ట్రంలో నేషనల్ హైవేలపై ఫోకస్ పెట్టింది. తాజాగా జాతీయరహదారి-544డిలో అనంతపురం నుంచి గుంటూరు వరకు రెండు కీలక ప్యాకేజీలను నాలుగు లైన్లుగా విస్తరణకు గ్రీన్ సిగ్నల్ వచ్చింది. కర్నూలు జిల్లా బుగ్గ నుంచి ప్రకాశం జిల్లా గిద్దలూరు మధ్య 135 కిలో మీటర్లు.. పల్నాడు జిల్లా వినుకొండ నుంచి గుంటూరు మధ్య 84.80 కిలో మీటర్ల హైవేను విస్తరించనున్నారు. మొత్తం 219.80 కిలోమీటర్లు విస్తరణ కోసం రెండు ఎలైన్‌మెంట్లకు మోర్త్‌ (కేంద్ర రవాణా, జాతీయ రహదారుల మంత్రిత్వశాఖ) ఎలైన్‌మెంట్‌ అప్రూవల్‌ కమిటీ లైన్ క్లియర్ చేసింది. ఈ రెండు కీలక ప్యాకేజీల నిర్మాణానికి మొత్తం రూ.5,417 కోట్లు ఎన్‌హెచ్‌ఏఐ ఖర్చు కేటాయించనుంది. ఈ రెండు ప్యాకేజీల్లో మొత్తం 21చోట్ల బైపాస్‌లు నిర్మించనున్నారు.. ఈ మేరకు అనుమతి కూడా వచ్చింది.

ఈ నేషనల్ హైవే 544డి అనంతపురం నుంచి ముచ్చుకోట, బుగ్గ, కైప, గిద్దలూరు, వినుకొండ మీదగా గుంటూరు వరకు ఉన్న సంగతి తెలిసిందే. ఇందులో అనంతపురం నుంచి కర్నూలు జిల్లా బుగ్గ వరకు నాలుగు లైన్లుగా విస్తరణ పనులు ఇప్పటికే కొనసాగుతున్న సంగతి తెలిసిందే. 2022లోనే గిద్దలూరు-వినుకొండ మధ్య 135 కి.మీ రెండు వరుసలుగా విస్తరించి అందుబాటులోకి తెచ్చారు. మిగిలిన బుగ్గ-గిద్దలూరు, వినుకొండ-గుంటూరు మధ్య ఈ నేషనల్ హైవే మాత్రం విస్తరించలేదు. తాజాగా ఈ రెండు చోట్ల కూడా నాలుగు లైన్లుగా విస్తరించనున్నారు. గిద్దలూరు-వినుకొండ మధ్య 135 కిలోమీటర్లు తప్ప.. మిగిలిన రోడ్డంతా నాలుగు లైన్లుగా మారనుంది. 

ఇంకా చదవండి: నామినేటెడ్ పదవులకు రెండు కేటగిరీలుగా విభజన - తాజా లిస్టు? వేతనాలు ఫిక్స్ - మరో కీలక నిర్ణయం!

అన్ని రకాల వార్తల కోసం  ఇక్కడ క్లిక్ చేయండి 

తాజా నిర్ణయంతో బుగ్గ-గిద్దలూరు మధ్య 135 కి.మీ విస్తరణ చేయనుండగా.. అందులో 25 కిలో మీటర్లు నల్లమల అటవీ ప్రాంతం మీదుగా ఉంది. ఈ కారణంగా అక్కడ రెండు లైన్లుగా మాత్రమే విస్తరించాలనుకున్నారు.. కానీ ఏపీ ప్రభుత్వం విజ్ఞప్తితో నాలుగు వరుసలుగా విస్తరించేందుకు మోర్త్ కమిటీ ఆమోదం తెలిపింది. అయితే ఇక్కడ నాలుగు లైన్లుగా విస్తరించాలంటే.. వివిధ అనుమతులకు రాష్ట్రప్రభుత్వం సహకరించాల్సి ఉంటుంది. నల్లమల అటవీ ప్రాంతం కావడంతో ఒకవేళ నాలుగు లైన్లుగా విస్తరణకు అనుమతులు రాకపోతే..

ఆ 25 కిలో మీటర్లు మేరు హైవే రెండు లైన్లకే పరిమితం కావాలని కమిటీ సూచించింది. వినుకొండ-గుంటూరు ప్యాకేజీలో రోడ్డు.. అమరావతి ఔటర్‌ రింగ్‌రోడ్డులో పేరేచర్ల సమీపంలో కలిసేలా నిర్ణయించారు. మొత్తం మీద ఏపీలో నేషనల్ హైవేల విస్తరణకు అడుగులు వేగంగా పడుతున్నాయి. ఏపీ ప్రభుత్వం రాష్ట్రంలో నేషనల్ హైవేలు, స్టేట్ హైవేలపై ఫోకస్ పెట్టింది.. కేంద్రం నుంచి అనుమతులు రాగానే పనుల్ని వేగవంత చేస్తోంది. పెండింగ్ ప్రాజెక్టుల్ని పూర్తి చేసే పనిలో ఉంది.

మీకు ఈ న్యూస్ కూడా నచ్చవచ్చు: 
ఆదివారం ఆ రంగు డ్రెస్ నాకు డేంజర్.. ఓసారి అలా.. బాల‌కృష్ణ‌ ఆస‌క్తిక‌ర వ్యాఖ్య‌లు!

వైసీపీకి షాక్.. మాజీ ఎమ్మెల్యే పై కేసు నమోదు! 15 రోజుల క్రితం..

ఏపీలో భారీగా ఐపీఎస్ అధికారుల బదిలీ! ఒకేసారి 27 మంది.. ఫుల్ డీటెయిల్స్ ఇవిగో!

దావోస్ లో ఎన్నారై టీడీపీ సభ్యులతో చంద్రబాబు, లోకేష్ మీట్ అండ్ గ్రీట్! 20 దేశాల నుంచి... ఆనందంలో ఎన్నారైలు!

నారా లోకేష్ డిప్యూటీ సిఎం పదవి డిమాండ్ల పై క్లారిటీ ఇచ్చిన టీడీపీ అధిష్ఠానం! కీలక ఆదేశాలు జారీ!

టాలీవుడ్ కి గుడ్ న్యూస్ చెప్పిన చంద్రబాబు! సినీ కార్మికులకు ఇళ్ల స్థలాలపై కీలక నిర్ణయం! 

ఆంధ్ర  ప్రవాసి గ్రూప్ లో జాయిన్ అవ్వండి:

Whatsapp group

Telegram group

Facebook group