Header Banner
తస్మాత్ జాగ్రత్త! ఈ ఆరు రకాల చేపలు ఆరోగ్యానికి చాలా ప్రమాదం!
Sun Jan 26, 2025 09:27 Health
చాలా మంది చేపల్ని ఇష్టంగా తింటారు. కొంతమందికి చేప లేనిదే ముద్దదిగదు. ఇక, ఆదివారం వచ్చిందంటే చాలు చాలా మంది చేపను ఓ పట్టు పడతారు. చేప పులుసు, చేప ఫ్రై, చేప బిర్యానీ ఇలా ఏ ఐటమ్ అయినా సరే తగ్గేదే లే అంటున్నారు. ఇక చేపలు తినడం వల్ల ఆరోగ్యానికి బోలెడు ప్రయోజనాలు ఉంటాయి. చేపల్లో ఒమేగా 3 ఫ్యాటీ యాసిడ్స్, విటమిన్ డి, విటమిన్ బి2, కాల్షియం, ఫాస్పరస్, ఐరన్, జింక్, అయోడిన్, ప్రోటీన్లు మెండుగా ఉంటాయి. అయితే, కొన్ని రకాల చేపల్ని తినకూడదు. ఇవి ఆరోగ్యానికి మేలు చేయకపోగా.. హాని చేస్తాయి. ఆ చేపలేంటి, వాటిని ఎందుకు తినకూడదో ఇక్కడ తెలుసుకుందాం.
మాకేరెల్ సాధారణంగా ఒమేగా-3లకు మంచి మూలం. వీటిలో ఆరోగ్యకరమైన ఆహారంగా డైలీ డైట్‌లో భాగం చేసుకోవచ్చు. కానీ పసిఫిక్ మహాసముద్రంలో ప్రత్యేకంగా కనిపించే కింగ్ మాకెరెల్, అధిక మొత్తంలో పాదరసం కలిగి ఉంటుంది. పిల్లలు, గర్భిణులు వీటికి పూర్తిగా దూరంగా ఉండాలని వైద్యులు చెబుతున్నారు. వీటిని తినడం వల్ల కిడ్నీలు, నాడీ వ్యవస్థపై ప్రభావం చూపే అవకాశం ఉంది. అందుకే వీటిని ఎక్కువ మోతాదులో తినకండి. తక్కువ మోతాదులో తింటే మంచిదంటున్నారు నిపుణులు.
మాకేరెల్ లానే ట్యూన్ ఫిష్ కూడా పాదరసం యొక్క వివిధ స్థాయిలను కలిగి ఉంటుంది. ఉదాహరణకు, బ్లూఫిన్, బిగ్ ఐ ట్యూనా స్టిక్‌ వంటి చేపలకు దూరంగా ఉండటం ఉత్తమం. అల్బాకోర్ ట్యూనాలో ఒమేగా-3లు ఎక్కువగా ఉంటాయి, అయితే మీరు దీన్ని వారానికి ఒకసారి కంటే ఎక్కువ తినకూడదు. ఈ విషయం ఎల్లోఫిన్‌కు కూడా వర్తిస్తుంది. క్యాన్డ్ లైట్ ట్యూనా ప్రోటీన్ యొక్క మంచి. అయితే దీనిని వారానికి రెండు సార్లు మించి తినకూడదు. ఎక్కువ తింటే మెదడు పనితీరు, నరాల ఆరోగ్యంపై ప్రభావం చూపే అవకాశం ఉంది. అంతేకాకుండా వీటిని కొన్నిసార్లు హార్మోన్లు, యాంటీ బయోటిక్స్‌తో ఇంజెక్ట్ చేస్తారు. ఇవి ఆరోగ్యానికి హానికరం.
ఇంకా చదవండి: విజయసాయిరెడ్డి రాజీనామాపై స్పందించిన వైసీపీ అధిష్టానం! సంచలన వ్యాఖ్యలు!
అన్ని రకాల వార్తల కోసం ఇక్కడ క్లిక్ చేయండి
అధిక గిరాకీ కారణంగా, తిలాపియా చేపల్ని విస్తృతంగా సాగు చేస్తున్నారు. ఇవి మార్కెట్లలో ఎక్కువగా లభిస్తుంటాయి. అయితే డిమాండ్ కారణంగా ఈ చేపలకు వాణిజ్య మేత లేదా కోడి వ్యర్థాలను అందిస్తారు. ఇవి ఆరోగ్యానికి మంచివి కావు. పెద్ద మొత్తంలో తిలాపియా తీసుకోవడం వల్ల గుండెపోటు, స్ట్రోక్, ఆస్తమా వంటి ప్రమాదాల్ని పెంచుతుందని నివేదికలు సూచిస్తున్నాయి. తిలాపియాలో ప్రోటీన్ స్థాయిలు తక్కువగా ఉంటాయి. డైబ్యూటిల్టిన్ అనే రసాయనాన్ని కలిగి ఉంటుంది. ఇది కొందరిలో ఉబ్బసం, అలెర్జీలను ప్రేరేపిస్తుంది. అందుకే ఇలాంటి చేపల్ని ఎక్కువగా తినకండి.
బసా చేప అనేది క్యాట్ ఫిష్ రకం. చాలా రెస్టారెంట్లలో వీటిని చేపల కూరలకు ప్రత్యామ్నాయంగా ఉపయోగిస్తున్నారు. అయితే బసా ఫిష్‌లో కొలెస్ట్రాల్ స్థాయిలను పెంచే హానికరమైన కొవ్వు ఆమ్లాలు ఉన్నాయని అధ్యయనాలు చెబుతున్నాయి. శ్వాసకోశ సమస్యలు లేదా ఆర్థరైటిస్ ఉన్నవారు ఈ చేపకు దూరంగా ఉండాలి.
ట్యూనా, మాకేరెల్ మాదిరిగానే, సార్డినెస్ సముద్రపు చేపలు. ఇవి అధిక మొత్తంలో పాదరసం కలిగి ఉంటాయి. ఇవి గణనీయమైన ఆరోగ్య ప్రమాదాలను కలిగిస్తాయి. వీటిని ఎక్కువ తింటే మెదడు ఆరోగ్యం దెబ్బ తినే ప్రమాదముంది. చిన్న పిల్లలు, గర్బిణీ స్త్రీలు ఈ రకం చేపలకు దూరంగా ఉండాలి. నరాల ఆరోగ్యంపై కూడా ప్రభావం చూపే అవకాశం ఉంది.
ఇవి నీటిలో డైరెక్ట్‌గా దొరికి తింటే వేరు. అయితే మార్కెట్లో దొరికే క్యాట్ ఫిష్‌లు కొనేటప్పుడు జాగ్రత్త. ఇవి తరచుగా హార్మోన్లతో ఇంజెక్ట్ చేయబడతాయి, వీటిని తీసుకోవడం హానికరం. మార్కెట్ నుంచి పెద్ద సైజులో ఉన్న క్యాట్ ఫిష్ కొనుగోలు చేయకుండా ఉండటం మంచిది. వాటికి బదులు చిన్న సైజులో ఉన్న క్యాట్ ఫిష్‌లు బెస్ట్ ఆప్షన్. ఎందుకంటే ఇవి సన్నగా ఉండటం వల్ల ఆరోగ్యానికి సురక్షితమైనవి.
మీకు ఈ న్యూస్ కూడా నచ్చవచ్చు:
మూడో మేనిఫెస్టో విడుదల చేసిన అమిత్ షా! 62 వేల గ్రూపుల సలహాలు, సూచనలు..
విజయసాయిరెడ్డి రాజీనామాపై చంద్రబాబు ఆసక్తికర వ్యాఖ్యలు! పార్టీ పరిస్థితి కూడా..
ఈ విషయంలో భారతీయుల గుండెల్లో గుబులు! అమెరికా వద్దంటే.. ఈ దేశాలు రారమ్మంటున్నాయ్.. ఆ వివరాలు..
రైతులకు ప్రభుత్వం భారీ శుభవార్త! వారి అకౌంట్లలోకి రూ.53 వేలు జమ!
ఎమ్మెల్యే పై టమాటాలు, గుడ్లు విసిరిన జనం.. దీంతో గ్రామసభలో ఉద్రిక్తత!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #Health #Foods #Diet #Fish #SeaFood
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.