నిరుద్యోగులకు ప్రభుత్వం వరం.. ఉచితంగా నెలకు 3 వేలు! ప్రభుత్వం కీలక నిర్ణయం!

Thu Sep 19, 2024 08:00 Politics

రెండు తెలుగు రాష్ట్రాల ప్రభుత్వాలు నిరుద్యోగులపై పూర్తి ఫోకస్ పెట్టాయి. అధికారంలోకి వచ్చిన కొత్త గవర్నమెంట్స్ ఉద్యోగ నోటిఫికెషన్స్ ఇవ్వడంతో పాటు నిరుద్యోగులను ఆదుకునే ప్రయత్నాలు మొదలు పెట్టాయి. ఈ నేపథ్యంలో తాజాగా నిరుద్యోగ భృతిపై కీలక సమాచారం బయటకొచ్చింది. ఆంధ్రప్రదేశ్ రాష్ట్రంలో నిరుద్యోగ సమస్యను పరిష్కారిచే దిశగా సీఎం చంద్రబాబు నాయుడు ప్లాన్స్ చేస్తున్నారు. ఈ మేరకు పలు ఉద్యోగ నోటిఫికెషన్స్ సిద్ధం చేస్తూనే.. కొందరికి నిరుద్యోగ భృతి కూడా ఇవ్వడానికి రెడీ అయ్యారట. రాష్ట్రంలో వేద విద్యను అభ్యసించి నిరుద్యోగులుగా ఉన్నవారికి రూ.3,000 నిరుద్యోగ భృతి ఇవ్వాలని ప్రభుత్వం సిద్ధమైనట్లు తెలుస్తోంది. ఈ మేరకు ఆ క్యాటగిరీ నిరుద్యోగుల వివరాలను పంపాలని అన్ని జిల్లాల దేవాదాయశాఖ అధికారులకు ఎండోమెంట్ కమిషనర్ ఈ నెల 17న మెమో సంపినట్లు సమాచారం. దీనిపై ప్రభుత్వం నుంచి క్లారిటీ రావాల్సి ఉంది.

ఇంకా చదవండి: డీజీపీ ద్వారకా తిరుమలరావు సంచలన ప్రకటన! పోలీసు విభాగానికి కొత్త సదుపాయాలు!

ఎన్నికల ప్రచారంలో భాగంగా ప్రజలకు భారీ హామీలిచ్చారు టీడీపీ అధినేత చంద్రబాబు నాయుడు. ఈ క్రమంలోనే అధికారంలోకి వచ్చిన వెంటనే తామిచ్చిన హామీలపై కసరత్తులు చేస్తున్నారు. ఇందులో భాగంగా నిరుద్యోగులకు ఆర్ధిక సాయం అందించడానికి ఏపీ ప్రభుత్వం సిద్దమైందనే ప్రచారాలు ఊపందుకున్నాయి. మరోవైపు రాష్ట్రంలోని నిరుద్యోగుల కోసం యువ నేస్తం పథకాన్ని చంద్రబాబు అమలు చేయబోతున్నారని తెలుస్తోంది. ప్రతీ నిరుద్యోగికి 3 వేల రూపాయలు నిరుద్యోగ భృతి అందించేలా చంద్రబాబు ప్రభుత్వం విధివిధానాలు రెడీ చేసిందని టాక్ నడుస్తోంది. ఈ నిరుద్యోగ భృతి పొందాలంటే నిరుద్యోగుల వయస్సు 22 నుండి 35 సంవత్సరాల మధ్య ఉండాలని, గుర్తింపు పొందిన విశ్వవిద్యాలయం నుండి డిగ్రీ విద్యార్హత కలిగి ఉండి.. ఏపీ పౌరుడై ఉండాలని చెబుతున్నారు. అయితే ఏపీ ప్రభుత్వం ఇంతవరకు అధికారికంగా ఎలాంటి ఉత్తర్వులు ఇవ్వలేదు. నిరుద్యోగ భృతిపై ఎలాంటి ప్రకటన కూడా చేయలేదు.

ఇంకా చదవండి: కుటుంబంలో 18 ఏళ్లలోపు పిల్లలు ఉన్నవారికి శుభవార్త! రేపే ప్రారంభం! ఇది అన్ని ఆర్థిక నేపథ్యాల కుటుంబాలకు అందుబాటులో!

అన్ని రకాల వార్తల కోసం ఇక్కడ క్లిక్ చేయండి

మీ వ్యాపార ప్రకటనల కొరకు ఆంధ్ర ప్రవాసి డాట్ కామ్ AndhraPravasi.com ఉచితంగా అందిస్తున్న క్లాసిఫైడ్స్ Classifieds లో ప్రకటించుకొని మీ వ్యాపారాన్ని అభివృధ్ది చేసుకోండి.