Header Banner
ఏపీలో వరద సాయం డబ్బులు అకౌంట్లలో జమ కాలేదా! మరో ఛాన్స్, ఇలా చేయండి!
Wed Oct 30, 2024 08:00 Politics
విజయవాడలో వరదలతో నష్టపోయిన ప్రతి బాధితుడికి ప్రభుత్వం అత్యంత పారదర్శకంగా పరిహారం అందించిందన్నారు రాష్ట్ర రెవెన్యూ, విపత్తుల నిర్వహణ శాఖ ప్రత్యేక ప్రధాన కార్యదర్శి ఆర్పీ సిసోడియా. దేశ చరిత్రలోనే ఎన్నడూ లేని విధంగా వరద బాధితులకు న్యాయంగా అందాల్సిన పరిహారం పొందడానికి ప్రభుత్వం అవకాశం ఇచ్చిందని గుర్తు చేస్తున్నారు. ప్రభుత్వం వరద తగ్గిన వెంటనే నష్టాన్ని అంచనా వేసి, బాధితులకు పరిహారం అందజేసి, అండగా నిలిచింది అన్నారు. ముఖ్యమంత్రి చంద్రబాబు నాయుడు మానవతా దృక్పథంతో, బాధితుల పట్ల ఎంతో ఉదారంగా వ్యవహరించారని చెప్పుకొచ్చారు.
వరదల్లో నష్టపోయిన ఏ ఒక్క బాధితుడికీ పరిహారం అందలేదన్న మాటే రాకూడదన్నారు సిసోడియా. బాధితులందరికీ పరిహారం అందజేశామని.. ఏ ఒక్క బాధితుడికీ అన్యాయం జరగకుండా చూడాలన్నదే ప్రభుత్వ లక్ష్యమన్నారు. ఈ విషయంలో అపోహలు అవసరం లేదని.. వరదల్లో నష్టపోయిన బాధితుల వివరాలన్నీ అత్యంత పారదర్శకంగా గ్రామ, వార్డు సచివాలయాల్లో ప్రదర్శించిన విషయాన్ని గుర్తు చేశారు. అర్హత ఉంటే చాలు వారికి పరిహారం అందజేశామన్నారు.
ఇంకా చదవండి: షాకింగ్ న్యూస్: లాడ్జ్లో ప్రియురాలితో ఎంపీడీవో.. రెడ్హ్యాండెడ్గా పట్టుకున్న భార్య, పిల్లలు!
అన్ని రకాల వార్తల కోసం ఇక్కడ క్లిక్ చేయండి
మొత్తం 1,46,318 మంది బాధితుల అకౌంట్లలోకి డబ్బుల్ని నేరుగా జమ చేశామన్నారు సిసోడియా. ఇప్పటికీ పరిహారం అందకుంటే వారు దరఖాస్తు చేసుకోవటానికి అవకాశం ఉందని చెప్పారు. వరద నష్టం అంచనా వేసే సమయంలో ఇంట్లో లేని బాధితుల ఫిర్యాదుల నమోదుకు ముఖ్యమంత్రి చంద్రబాబు ఆదేశాల మేరకు మరోసారి అవకాశం కల్పించింది ప్రభుత్వం. బాధితులు తమ పేర్లు నమోదు చేసుకోవటానికి ప్రజాఫిర్యాదుల పరిష్కార వేదిక ఏర్పాటు చేసినట్లు తెలిపారు. కొంతమంది వరదసాయంపై చేస్తున్న దుష్ప్రచారాన్ని నమ్మొద్దని కోరారు. ఈ మేరకు విజయవాడలో వరద బాధితులకు ప్రభుత్వం మరోసారి అవకాశం కల్పించింది. ఇంకా ఎవరైనా పరిహారం అందాల్సి ఉంటే వెంటనే దరఖాస్తు చేసుకోవాలని సూచించారు. అర్హత ఉంటే చాలు పరిహారం అందిస్తామంటున్నారు అధికారులు.
మరోవైపు విజయవాడ పశ్చిమ నియోజకవర్గం పరిధిలోని కమ్మరిపాలెం వరద బాధితులకు జనసేన పార్టీ అండగా నిలిచింది. ఈ మేరకు పున్నమి ఘాట్ దగ్గర నిర్వహించిన కార్యక్రమంలో 300 కుటుంబాలకు సరకులతో కూడిన కిట్లు పంపిణీ చేశారు. తమకు పరిహారం అందలేదని గతంలో డిప్యూటీ సీఎం పవన్ కళ్యాణ్ దగ్గర బాధితులు గోడు వెళ్లబోసుకున్నారు.. ఆ వెంటనే స్పందించిన జనసేనాని తాత్కాలిక ఉపశమనంగా పార్టీ తరఫున సాయం అందించాలని స్థానిక జనసేన పార్టీ నేతలకు సూచించారు. ఎన్టీఆర్ జిల్లా జనసేన పార్టీ అధ్యక్షుడు సామినేని ఉదయభాను చేతుల మీదుగా రూ.4 లక్షల విలువైన సరకులను అందజేశారు. వరద బాధితులకు అందజేసిన కిట్లో బియ్యం, వంట నూనె, కందిపప్పు, గోధుమ పిండి, ఇతర సరకులు ఉన్నాయి.
మీకు ఈ న్యూస్ కూడా నచ్చవచ్చు:
పార్లమెంట్ ఉభయసభలు ప్రత్యేక సమావేశం! ఎప్పుడు - ఎందుకు?
"ప్రజా వేదిక" కార్యక్రమంలో ఈరోజు పాల్గొననున్న మంత్రులు మరియు నాయకుల షెడ్యూల్! మీ కోసం!
ఏపీలో రైతులకు భారీ శుభవార్త... ఇకనుంచి రూ.3వేలు! అర్హులు ఎవరు అంటే!
ఏపీ రాజకీయాల్లో సంచలనం.. జగన్కు భారీ షాక్! పతనం కోరుకుంటున్న వైఎస్ షర్మిల!!
దీపావళి పండగ ముందు సామాన్యులకు బ్యాడ్న్యూస్! భారీగా పెరిగిన వంటనూనె ధరలు! ఎంతో తెలిస్తే షాక్!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #Politics #TDP #JSP #YCP #PawanKalyan #Janasena #AP #AndhraPradesh #YSJagan #Assembly #BJP #NaraLokesh #PawanKalyan #PSPK #HighCourt #Amaravathi #BJP
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.