Header Banner
ఇజ్రాయెల్‌ – హెజ్బొల్లా మధ్య కాల్పుల విరమణ! 14 నెలల యుద్ధానికి ముగింపు!
Thu Nov 28, 2024 10:59 World
ఇజ్రాయెల్‌ – హెజ్బొల్లా మధ్య యుద్ధం ముగిసింది. క్షిపణులు, రాకెట్ల దాడులతో దద్దరిల్లిన దక్షిణ లెబనాన్‌లో శాంతి నెలకొన్నది. 14 నెలల పాటు కొనసాగిన పోరాటానికి ఇరుపక్షాలు బుధవారం స్వస్తి పలికాయి. అమెరికా, ఫ్రాన్స్‌ మధ్యవర్తిత్వంతో కాల్పుల విరమణ ఒప్పందాన్ని కుదుర్చుకున్నాయి. ఈ విషయాన్ని అమెరికా అధ్యక్షుడు జో బైడెన్‌ ప్రకటించారు. ఈ ఒప్పందంతో పశ్చిమాసియాలో ఉద్రిక్తతలకు కాస్త ఉపశమనం లభించింది. మొదట 60 రోజుల కోసం ఒప్పందం కుదిరినా, శాశ్వత ఒప్పందంగా కొనసాగే అవకాశం ఉంది. ఈ ఒప్పందాన్ని ఇరాన్‌, పాలస్తీనా సహా అన్ని దేశాలూ స్వాగతించాయి. కాల్పుల విరమణ ఒప్పందానికి తామూ సిద్ధంగా ఉన్నట్టు హమాస్‌ ప్రకటించింది. గత ఏడాది అక్టోబర్‌ 7న మొదలైన సంక్షోభం క్రమంగా కొలిక్కి వస్తున్నది.
60 రోజుల్లో బలగాలు వెనక్కు
ఇజ్రాయెల్‌ – హెజ్బొల్లా మధ్య మొదట 60 రోజుల కోసం ఈ ఒప్పందం కుదిరినట్టు జో బైడెన్‌ ప్రకటించారు. హెజ్బొల్లా బలగాలు ఐరాస భద్రతా మండలి 1701 తీర్మానాన్ని అనుసరించి దక్షిణ లెబనాన్‌ నుంచి వెనక్కు, లిటాని నదికి ఉత్తరానికి వెళ్లిపోవాలి. దక్షిణ లెబనాన్‌లో ఆ దేశ సైనికులు మోహరించాలి. 60 రోజుల్లో ఇజ్రాయెల్‌ సైతం బలగాలను వెనక్కు రప్పించాలి. ఈ ఒప్పందం సరిగ్గా అమలయ్యేలా అమెరికా నేతృత్వంలోని అంతర్జాతీయ ప్రతినిధి బృందం పర్యవేక్షించనుంది. దక్షిణ లెబనాన్‌లో 10 వేల బలగాలను మోహరిస్తున్నట్టు లెబనాన్‌ ప్రకటించింది.
ఇంకా చదవండి: ఆంధ్రప్రదేశ్ రాజ్యసభ ఉప ఎన్నికల షెడ్యూల్ విడుదల! కూటమి కీలక స్థాయికి చేరిక!
అన్ని రకాల వార్తల కోసం ఇక్కడ క్లిక్ చేయండి
లెబనాన్‌ ప్రజల సంబరాలు
కాల్పుల విరమణ ఒప్పందం జరగడంతో లెబనాన్‌ ప్రజలు సంబరాలు చేసుకున్నారు. దక్షిణ లెబనాన్‌ నుంచి ఇతర ప్రాంతాలకు వెళ్లిపోయిన ప్రజలు వేలాదిగా మళ్లీ తమ స్వస్థలాలకు వెళ్తున్నారు. బలగాల ఉపసంహరణ పూర్తయ్యే వరకు దక్షిణ లెబనాన్‌కు రావొద్దని ఇజ్రాయెల్‌, లెబనాన్‌ సైన్యాలు హెచ్చరించినప్పటికీ ప్రజలు పట్టించుకోవడం లేదు. మొత్తం 12 లక్షల మంది ఈ ప్రాంతం నుంచి తమ ఇండ్లను వదిలి వెళ్లిపోయారు. కాగా, లెబనాన్‌ సరిహద్దులోని ఉత్తర ఇజ్రాయెల్‌ ప్రజలు మాత్రం హెజ్బొల్లా ఇంకా సమీపంలోనే ఉన్నందున కొంతకాలం తర్వాతే స్వస్థలాలకు వెళ్తామని చెప్తున్నారు.
మేమూ ఒప్పందానికి సిద్ధమే: హమాస్‌
తాము కూడా ఇజ్రాయెల్‌తో కాల్పుల విరమణ ఒప్పందానికి సిద్ధంగా ఉన్నామని హమాస్‌ ప్రకటించింది. కాల్పుల విరమణ, ఖైదీల అప్పగింత ఒప్పందానికి సిద్ధంగా ఉన్నామనే విషయాన్ని ఈజిప్ట్‌, ఖతార్‌, తుర్కియేలోని మధ్యవర్తులకు చెప్పామని తెలిపింది. గాజాలోనూ యుద్ధవిరమణ ఒప్పందం కోసం మరోసారి ప్రయత్నిస్తామని అమెరికా అధ్యక్షుడు బైడెన్‌ బుధవారం ప్రకటించారు. కాగా, ఇజ్రాయెల్‌ – హెజ్బొల్లా మధ్య ఒప్పందాన్ని భారత్‌ స్వాగతించింది. ఈ ఒప్పందం శాంతి, స్థిరత్వాన్ని తీసుకొస్తుందని పేర్కొన్నది.
మీకు ఈ న్యూస్ కూడా నచ్చవచ్చు:
వైసీపీకి వరుస ఎదురుదెబ్బలు.. వారంతా జైలుకు వెళ్ల‌డం ఖాయం - గుట్టును రట్టు చేసిన RRR!
ఈ నెల 30 నుంచి '6 అబద్ధాలు 66 మోసాలు' పేరుతో బీజేపీ నిరసన! కాంగ్రెస్ ప్రజాపాలన విజయోత్సవాలకు!
గుడ్ న్యూస్: 30 శాతం సబ్సిడీతో మహిళకు రూ. 5 లక్షలు! నెలకు ఎంత కట్టాలంటే? అసలు విషయం ఇదే!
శుభవార్త చెప్పిన చంద్రబాబు.. 10,000 మందికి ఉద్యోగాలు! ఆ జిల్లాలో ఇండస్ట్రియల్ హబ్ ఏర్పాటు!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #War #Isreal #Hajbolla #Deaths
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.