Header Banner
కొడాలికి మరో బిగ్ షాక్...14 రోజుల రిమాండ్ - నెల్లూరు సబ్జైలుకు తరలింపు! అసలేం జరిగిదంటే!
Fri Dec 06, 2024 08:59 Politics
గుడివాడ: తెలుగుదేశం నేత, ప్రస్తుత రాష్ట్ర గిడ్డంగుల సంస్థ ఛైర్మన్‌ రావి వెంకటేశ్వరరావు, ఆయన కార్యాలయంపై రెండేళ్ల కిందట పెట్రోల్‌ ప్యాకెట్లు, కత్తులు, రాడ్లతో వైఎస్సార్సీపీ నేత కొడాలి నాని అనుచరులు దాడి చేసి అరాచకం సృష్టించారు. ఈ కేసులో తాజాగా 10 మందిని పోలీసులు అరెస్ట్ చేశారు. నిందితులను మొదట పెదపారుపూడి, మధ్యాహ్నం నందివాడ స్టేషన్లకు తరలించారు. ఈ నేపథ్యంలోనే వైద్య పరీక్షల అనంతరం నిందితులను బుధవారం రాత్రి గుడివాడలోని అదనపు జ్యుడిషియల్‌ ఫస్ట్‌క్లాస్‌ మేజిస్ట్రేట్‌ కోర్టులో హాజరుపర్చారు. వారికి 14 రోజుల రిమాండ్ విధిస్తూ న్యాయాధికారి ఉత్తర్వులు ఇచ్చారు. అక్కడినుంచి నెల్లూరు సబ్ జైలుకు తరలించారు. మరోవైపు ఈ కేసులో ప్రధాన నిందితుడు కాళీ ఆచూకీ కోసం పోలీసులు గాలిస్తున్నారు. కూటమి ప్రభుత్వం వచ్చినప్పటి నుంచి అతను అజ్ఞాతంలోకి వెళ్లిపోయాడు.
ఇంకా చదవండి: రైతుల ఆందోళనపై కలెక్టర్ తో మాట్లాడిన సీఎం! నష్టపోకుండా చూస్తామని హామీ..
అసలేం జరిగిదంటే: డిసెంబర్ 26, 2022న తెలుగుదేశం నాయకులు గుడివాడలో పలుచోట్ల వంగవీటి రంగా వర్ధంతి నిర్వహణకు రంగం సిద్ధం చేసుకున్నారు. ఈ నేపథ్యంలో డిసెంబర్ 25న టీడీపీ నేత రావి వెంకటేశ్వరరావుకు కాళీ ఫోన్‌ చేశారు. టీడీపీ ఆధ్వర్యంలో రంగా వర్ధంతి నిర్వహిస్తే సహించబోమని బెదిరించాడు. నిర్వహించి తీరతామని రావి చెప్పడంతో కాళీ చంపేస్తానని బెదిరించాడు. దీంతో ఇద్దరి మధ్య గొడవ చోటుచేసుకుంది.
అనంతరం కాళీ తన ముఠాతో రావి వెంకటేశ్వరరావు కార్యాలయం వద్దకు పెట్రోల్‌ ప్యాకెట్లతో వచ్చి సుమారు రెండు గంటలపాటు అరాచకం సృష్టించారు. టీడీపీ నాయకులపై కత్తులు, రాడ్లతో దాడికి పాల్పడ్డారు. కార్యాలయానికి నిప్పంటించబోతుండగా పోలీసులు అడ్డుకున్నారు. అయితే ఆస్తుల ధ్వంసం, దొమ్మీ, దాడికి వర్తించే నామమాత్రపు సెక్షన్లతోనే కేసు పెట్టారు. మెరుగుమాల కాళీ, నీరుడు ప్రసాద్‌తో పాటు మరో 20 మంది నిందితులని తెలిపారు. కూటమి ప్రభుత్వం అధికారంలోకి వచ్చాక ఘటన జరిగిన సమయంలోని వీడియోలను పరిశీలించి, హత్యాయత్నం సెక్షన్‌ను జోడించారు.
ఈ క్రమంలో కేసు పునర్విచారణ చేపట్టిన పోలీసులు నిందితులను అరెస్ట్ చేసేందుకు పది బృందాలను మోహరించారు. వారి సెల్‌ఫోన్లపై నిఘా పెట్టారు. ఈ నేపథ్యంలోనే మంగళవారం 10 మందిని అరెస్ట్ చేశారు. ఇందులో భాగంగా ప్రధాన నిందితుడు కాళీ ఆచూకీ కోసం రెండు బృందాలు హైదరాబాద్‌ వెళ్లాయి. అయితే కాళీ ఈశాన్య రాష్ట్రాల్లో చేపల వ్యాపారం చేస్తున్నట్లు తెలిసింది. మాజీ మంత్రి కొడాలి నాని ప్రోద్బలంతోనే ఈ దాడి జరిగినట్లు పోలీసులు దర్యాప్తులో నిర్ధారించారు. నాని పాత్రకు సంబంధించి లోతుగా దర్యాప్తు చేస్తున్నారు. త్వరలోనే ఆయణ్ని ఈ కేసులో నిందితుడిగా చేర్చే అవకాశం ఉందని తెలిసింది.
ఇంకా చదవండి: ఏపీలో కూటమి ప్రభుత్వం మరో కీలక ప్రకటన! నామినేటెడ్ పోస్టుల మరో జాబితా సిద్దం - దక్కేది వీరికే!
అన్ని రకాల వార్తల కోసం ఇక్కడ క్లిక్ చేయండి
మీకు ఈ న్యూస్ కూడా నచ్చవచ్చు:
ఆళ్ల నాని టీడీపీలోకి ఎంట్రీ పై చంద్రబాబు క్లారిటీ! పలువురు వైసీపీ నేతలు కూటమి పార్టీలోకి!
ఏపీ ప్రభుత్వం మరో ముందడుగు! మంత్రి లోకేశ్ సమక్షంలో గూగుల్ తో కీలక ఒప్పందం!
బీఆర్ఎస్‌కు ఊహించని షాక్! కాంగ్రెస్‌లో చేరిన మాజీ ఎమ్మెల్యే!
నిరుద్యోగులకు చంద్రబాబు ప్రభుత్వం మంచి అవకాశం.. 8వ తేదీ నుంచి ప్రారంభం!Don'tMiss
కొడాలి నానికి వరుస షాక్ లు! తొమ్మిది మంది అరెస్ట్ - పరారీలో ప్రధాన అనుచరుడు..
మహిళలకు అప్డేట్.. ఉచిత బస్సు అమలుపై కీలక ప్రకటన! 1600 కొత్త బస్సులను కొనుగోలు!
కొడాలి నానికి వరుస షాక్ లు! తొమ్మిది మంది అరెస్ట్ - పరారీలో ప్రధాన అనుచరుడు..
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #KodaliNani #YSRCP #Counting #AndhraPradesh
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.