Header Banner
ఏపీలో లిక్కర్ షాపులకు మళ్లీ దరఖాస్తులు! వారికి మాత్రమే! ఏ జిల్లాలో ఎన్ని?
Wed Jan 22, 2025 07:00 Politics
ఆంధ్రప్రదేశ్ ప్రభుత్వం మరో కీలక నిర్ణయం తీసుకుంది. 335 లిక్కర్ షాపులకు సంబంధించి నోటిఫికేషన్ జారీ చేసింది. ఏపీ ఎన్నికల సమయంలో కల్లు, గీత కులవృత్తుల వారికి పది శాతం మద్యం షాపులు కేటాయిస్తామని చంద్రబాబు హామీ ఇచ్చారు. ఇక ఇచ్చిన హామీ మేరకు కల్లు, గీత కులాలకు 335 మద్యం షాపులు కేటాయిస్తూ ఏపీ ప్రభుత్వం ఉత్తర్వులు జారీ చేసింది. కల్లు, గీత కులవృత్తుల వారికి జిల్లాల వారీగా 335 మద్యం షాపులు కేటాయిస్తూ ఏపీ అబ్కారీ శాఖ నోటిఫికేషన్ జారీ చేసింది. గౌడ, ఈడిగ, శెట్టిబలిజ, గౌడ, యాత, గౌండ్ల, శ్రీశయన, శెగిడి, గామల్ల కులాల వారికి ఈ 335 మద్యం షాపులు కేటాయించారు.
ఏపీలో టీడీపీ కూటమి సర్కారు అధికారంలోకి వచ్చిన తర్వాత నూతన మద్యం విధానం అమల్లోకి తెచ్చింది. కొత్త ఎక్సైజ్ పాలసీ ప్రకారం ప్రైవేట్ వ్యక్తులకు మద్యం దుకాణాలు అప్పగించారు. 3,396 షాపులకు ప్రభుత్వం లైసెన్సులు జారీ చేసిన సంగతి తెలిసిందే. అయితే ఎన్నికల సమయంలో ఇచ్చిన హామీ మేరకు లిక్కర్ షాపుల్లో పది శాతం అంటే 340 దుకాణాలను కల్లు, గీత కార్మికులకు కేటాయించాలని నిర్ణయించారు. అయితే ప్రకాశం జిల్లా పర్యటనలో ఓ కుటుంబానికి మద్యం దుకాణం కేటాయిస్తామని చంద్రబాబు హామీ ఇచ్చారు. ఆ హామీ మేరకు ఒక షాపును సదరు కుటుంబానికి కేటాయించనున్నారు. అలాగే ఉత్తరాంధ్రలో నాలుగు లిక్కర్ షాపులను సొండి కులాల వారికి కేటాయించాలని నిర్ణయించారు.
ఇంకా చదవండి: బిగ్ అలర్ట్.. ఎన్టీఆర్ భరోసా పెన్షన్లపై ప్రభుత్వం కీలక నిర్ణయం.. అలా చేయకుంటే పెన్షన్ రద్దు?
అన్ని రకాల వార్తల కోసం ఇక్కడ క్లిక్ చేయండి
ఆ ఐదు లిక్కర్ షాపులు పోనూ మిగిలిన 335 మద్యం దుకాణాలను కల్లు, గీత కార్మికులకు కేటాయిస్తూ ఏపీ అబ్కారీ శాఖ ఉత్తర్వులు జారీ చేసింది. ఇక తిరుపతి జిల్లాకు అత్యధికంగా 23 షాపులు దక్కాయి. ఆ తర్వాత శ్రీకాకుళం, నెల్లూరు, ప్రకాశం, పశ్చిమగోదావరి జిల్లాలలో 18 మద్యం షాపుల చొప్పున కల్లు, గీత కులాల వారికి కేటాయించారు. కాకినాడ, విజయనగరం జిల్లాలో 16 మద్యం దుకాణాలు చొప్పున, అనకాపల్లి 15, ఏలూరు, విశాఖపట్నం, కడప, అనంతపురం జిల్లాలలో 14 షాపులు, తూర్పుగోదావరి, పల్నాడు, గుంటూరు, కోనసీమ జిల్లాలలో 13 లిక్కర్ షాపుల చొప్పున కల్లు, గీత కార్మికులకు కేటాయించారు. బాపట్ల, కృష్ణా జిల్లాలకు 12, అన్నమయ్య,ఎన్టీఆర్, నంద్యాల జిల్లాలకు 11, చిత్తూరు, కర్నూలు జిల్లాలలో పదేసి షాపుల చొప్పున గీత కార్మికులకు కేటాయించారు. శ్రీసత్యసాయి- 9, పార్వతీపురం మన్యం-4, అల్లూరి సీతారామరాజు జిల్లాలో ఒక మద్యం షాపును గీత కార్మికులకు కుటుంబాలకు కేటాయించారు..
మరోవైపు నిబంధనల ప్రకారం ఒక వ్యక్తి ఎన్ని దుకాణాలకైనా దరఖాస్తు చేసుకునే వీలుంది. కానీ ఒక్క దుకాణం మాత్రమే కేటాయిస్తారు. లాటరీలో ఒకటి కంటే ఎక్కువ వచ్చినా కూడా వాటిని రద్దు చేస్తారు. ఇక లిక్కర్ షాపులకు దరఖాస్తు చేసుకునేందుకు రూ. 2 లక్షలు ఫీజుగా నిర్ణయించారు. ఈ మొత్తాన్ని తిరిగి చెల్లించరు. అలాగే లిక్కర్ షాపులకు దరఖాస్తు చేసే సమయంలో దరఖాస్తుదారులు, అప్లికేషన్‌తో పాటుగా కుల ధ్రువీకరణ పత్రాలు జత చేయడం తప్పనిసరని అధికారులు స్పష్టం చేశారు. ఇక రెండేళ్ల కాలానికి లైసెన్సులు జారీ చేస్తారు.
మీకు ఈ న్యూస్ కూడా నచ్చవచ్చు:
ఆదివారం ఆ రంగు డ్రెస్ నాకు డేంజర్.. ఓసారి అలా.. బాల‌కృష్ణ ఆస‌క్తిక‌ర వ్యాఖ్య‌లు!
వైసీపీకి షాక్.. మాజీ ఎమ్మెల్యే పై కేసు నమోదు! 15 రోజుల క్రితం..
ఏపీలో భారీగా ఐపీఎస్ అధికారుల బదిలీ! ఒకేసారి 27 మంది.. ఫుల్ డీటెయిల్స్ ఇవిగో!
నారా లోకేష్ డిప్యూటీ సిఎం పదవి డిమాండ్ల పై క్లారిటీ ఇచ్చిన టీడీపీ అధిష్ఠానం! కీలక ఆదేశాలు జారీ!
టాలీవుడ్ కి గుడ్ న్యూస్ చెప్పిన చంద్రబాబు! సినీ కార్మికులకు ఇళ్ల స్థలాలపై కీలక నిర్ణయం!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #Politics #TDP #JSP #YCP #PawanKalyan #Janasena #AP #AndhraPradesh #YSJagan #Assembly #BJP #NaraLokesh #PawanKalyan #PSPK #HighCourt #Amaravathi #BJP
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.