Header Banner
ఏపీలో పెన్షనర్లకు శుభవార్త! న్యూ ఇయర్ గిఫ్ట్ గా ప్రభుత్వం కీలక నిర్ణయం!
Thu Dec 26, 2024 12:12 Politics
ఆంధ్రప్రదేశ్‌లో పింఛన్ తీసుకునేవారికి తీపికబురు. ఈసారి పింఛన్ ఒకరోజు ముందుగానే పంపిణీ చేయనున్నట్లు తెలుస్తోంది. ప్రతి నెలా 1వ తేదీన డబ్బుల్ని అందజేస్తుండగా.. ఈసారి డిసెంబర్ 31నే పింఛన్ పంపిణీ చేయనున్నారట. ఈ మేరకు ఈ నెల 30నే డబ్బుల్ని ప్రభుత్వం జమ చేయనున్నట్లు సమాచారం. నూతన సంవత్సరం రోజు కాకుండా ముందురోజే డబ్బుల్ని పంపిణీ చేయబోతున్నారట. జనవరి 1 నూతన సంవత్సరం కావడంతో.. ఈ నెల 30, 31 తేదీల్లో పింఛన్ పంపిణీ చేయాలని గ్రామ, వార్డు సచివాలయాల ఉద్యోగుల సంఘం నేతలు ఉన్నతాధికారుల్ని కలిసి వినతిపత్రం అందజేసి రిక్వెస్ట్ చేసినట్లు తెలుస్తోంది.
ఈ క్రమంలో ప్రభుత్వం సానుకూలంగా స్పందించిందని చెబుతున్నారు. ఉద్యోగులపై ఒత్తిడి కూడా ఉండదని.. అందుకే ఈ నెల 31నే పింఛన్ పంపిణీ చేయాలని నిర్ణయించినట్లు సమాచారం. కొత్త ఏడాది సందర్భంగా ఒకరోజు ముందుగానే పింఛన్ ఇస్తే అది న్యూ ఇయర్ గిఫ్ట్‌లా కూడా ఉంటుందనే అభిప్రాయం వ్యక్తమవుతోంది. ప్రభుత్వం ఒకటి, రెండు రోజుల్లో అధికారికంగా ప్రకటించే అవకాశం ఉందంటున్నారు. ముఖ్యమంత్రి చంద్రబాబు పల్నాడు జిల్లా రొంపిచర్ల మండలం అన్నవరంలో పర్యటించి.. స్థానికంగా పింఛన్ పంపిణీ కార్యక్రమంలో పాల్గొంటారని చెబుతున్నారు. చంద్రబాబు ప్రతి నెలా 1న ఏదో ఒక జిల్లాకు వెళుతున్నారు.. అక్కడ లబ్ధిదారులకు పింఛన్ పంపిణీ చేస్తున్న సంగతి తెలిసిందే.. ఈసారి పల్నాడు జిల్లాకు వెళుతున్నారు.
ఇంకా చదవండి: తిరుమల భక్తులకు శుభవార్త! గంటలోనే శ్రీవారి దర్శనం - అమల్లోకి టీటీడీ కొత్త విధానం!
అన్ని రకాల వార్తల కోసం ఇక్కడ క్లిక్ చేయండి
మరోవైపు చంద్రబాబు మూడు రోజుల క్రితం దివ్యాంగుల పింఛన్లపైనా కీలక వ్యాఖ్యలు చేశారు. అధికారులతో సమీక్షించిన ఆయన.. దివ్యాంగుల కేటగిరీలో భారీగా అనర్హులు పింఛన్లు పొందుతున్నారని వ్యాఖ్యానించారు. అర్హత లేకుండా పింఛన్ తీసుకునేవారిని గుర్తించేందుకు ఎంత సమయం పడుతుందని చంద్రబాబు అధికారుల్ని అడిగారు. అధికారులు ఎక్కువ సమయం పడుతుందనడంతో.. ప్రభుత్వం అధికారంలోకి వచ్చి ఆరు నెలలు దాటినా అనర్హఉల్ని గుర్తించకపోవడం ఏంటని ప్రశ్నించారు. అర్హులకు పింఛన్లు, సంక్షేమ పథకాలు అందించాలని.. అదే క్రమంలో అనర్హులపై వేటు పడాల్సిందే అంటున్నారు. మూడు నెలల్లో దివ్యాంగుల పింఛన్ల తనిఖీని పూర్తి చేయాలని సూచించారు.కొంతమంది పింఛన్లు తనిఖీ చేయడాన్ని కూడా పింఛన్లు తొలగిస్తున్నారంటూ ప్రచారం చేస్తున్నారన్నారు. అనర్హుల్ని గుర్తించి తొలగించాలని.. అలాగే అర్హులెవరూ ఆందోళన పడాల్సిన అవసరం లేదన్నారు.
మరోవైపు ప్రభుత్వం మరో కీలక నిర్ణయం తీసుకుంది.. రెండు నెలల పింఛన్ ఎవరైనా తీసుకోకపోతే వారు మూడో నెల కలిపి పింఛన్ పంపిణీ చేస్తున్నారు. అలాగే తల్లిదండ్రులు లేని పిల్లలకు కూడా పింఛన్లు మంజూరు చేయాలని ముఖ్యమంత్రి చంద్రబాబు ఇటీవల కలెక్టర్ల సమావేశంలో ఆదేశించారు.. ఈ మేరకు అదికారులు ఆ వివరాలను కూడా సేకరిస్తున్నారు.
మీకు ఈ న్యూస్ కూడా నచ్చవచ్చు:
పీఆర్, పర్సనల్ మేనేజర్ ను తొలగించిన చిరంజీవి! దీనిపై ఆరా తీయగా..
ఏపీ సీఎం చంద్రబాబు పీఏ పేరుతో మోసం.. మాజీ క్రికెటర్‌పై కేసు నమోదు!
అమరావతికి రూ.11వేల కోట్ల హడ్కో రుణం... సీఎండీతో చర్చించిన మంత్రి! దిల్లీలో కీలక భేటీలు!
నామినేటెడ్ డైరెక్టర్స్ లిస్టు! 13 కార్పొరేషన్ ల నియామక జీవో జారీ! పూర్తి లిస్ట్ మీ కోసం!
ఏపీఎస్డీఎంఏ: రెండ్రోజుల పాటు వర్షాలు! బలపడిన అల్పపీడనం అదే ప్రాంతంలో..
సంధ్య థియేటర్ తొక్కిసలాట కేసులో మరో మలుపు! ఏ18గా మైత్రీ మూవీస్... నిందితుల జాబితా ఇదే!
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #Politics #TDP #JSP #YCP #PawanKalyan #Janasena #AP #AndhraPradesh #YSJagan #Assembly #BJP #NaraLokesh #PawanKalyan #PSPK #HighCourt #Amaravathi #BJP
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.