గేదెలు, ఆవులు, గొర్రెలు, మేకలు ఉన్న వారికి అదిరిపోయే శుభవార్త! అకౌంట్లలోకి డబ్బులు! అదెలా అని అనుకుంటున్నారా?

Tue Aug 20, 2024 07:00 Politics

పాడి రైతులకు అదిరే గుడ్ న్యూస్. ఏంటని అనుకుంటున్నారా.. టీడీపీ కూటమి ప్రభుత్వం వీరికి ఊరట కలిగే నిర్ణయంతో ముందుకు వెళ్లనుంది. పశువులు కలిగిన వారికి భరోసా కల్పించేలా.. కొత్త విధివిధనాలు రూపొందించే పనిలో ఉందని తెలుస్తోంది. పశు బీమా పథకం ద్వారా రైతులకు ధీమా కల్పించాలని భావిస్తోంది. విజయనగరం జిల్లాలో రోజువారీ పాల ఉత్పత్తులు దాదాపు 3.6 లక్షల లీటర్లు వరకు ఉంటాయి. ఒకవేళ పశువు మృత్యువాత పడితే అప్పుడు వారు జీవనాధారం కోల్పోవలసి ఉంటుంది. ప్రభుత్వం నుంచి పరిహారం అందితేనే.. మరొకటి కొనుగోలు చేసుకుని మళ్లీ ఉపాధి పొందే వీలుంటుంది. టీడీపీ కూటమి ప్రభుత్వం పశు పోషకుల వేదనను అర్థం చేసుకొని.. పశు బీమా పథకాన్ని పట్టాలెక్కించేందుకు విధి విధానాలు రూపొందిస్తోంది. దీని వల్ల చాలా మందికి ఊరట లభించనుంది. పశు నష్టపరిహార పథకం గతంలో నుంచే అమల్లో ఉంది. దీని ద్వారా రెండు నుంచి పదేళ్ల వయసున్న ఆవులు, 3-12 ఏళ్లలోపు గేదెలు మృతి చెందితే మేలుజాతి వాటికి రూ.30 వేలు, దేశవాళీ జాతికి రూ.15 వేలు పరిహారం చెల్లించాలి.

ఇంకా చదవండి: వైసీపీలో ఆ 10 మంది ఎమ్మెల్యేలు కూడా మిగలరు! అందరూ మాతో టచ్ లోనే ఉన్నారు! ఎప్పుడు వస్తారంటే!

గొర్రె, మేక చనిపోతే రూ.6 వేలు చొప్పున పరిహారం ఇవ్వాలి. ఏడాదికి ఒక్కో కుటుంబానికి 5 పశువులు, 20 గొర్రెలు, మేకలు వరకు పరిహారం చెల్లించాలన్నది నిబంధనగా ఉంది. అయితే 2019 నుంచి 2022 వరకు పశు నష్ట పరిహారం పథకాన్ని అమలు చేసి జిల్లాలో 3,774 మంది పాడి రైతులకు చెల్లించాల్సిన రూ.11.14 కోట్లు పరిహారం అందాల్సి ఉంది. కాగా పశు నష్టపరిహారం పథకాన్ని రద్దు చేసి.. 2023లో వైఎస్సార్‌ పశు బీమా తీసుకొచ్చారు. ఈ పథకం కింద రాష్ట్ర ప్రభుత్వం 80 శాతం, లబ్ధిదారులు 20 శాతం ప్రీమియం చెల్లించేలా నిర్ణయించారు. రైతులు తమ వాటా చెల్లిస్తున్నా.. ప్రభుత్వం తమ వాటా బడ్జెట్‌ విడుదల చేయక పథకం నిలిచిపోయింది. తిరిగి ఎన్నికలకు ముందు పట్టాలెక్కించినా సక్రమంగా అమలుకాలేదు. ఈ క్రమంలో పశు బీమా పథకం అమలుకు ప్రభుత్వం నిర్ణయం తీసుకుంది. ఇందుకు సంబంధించి విధి విధానాలు త్వరలో రానున్నాయి. ఇకపోతే పశు నష్టపరిహారం పథకం కింద రైతులకు రూ.11.14 కోట్ల బకాయిలు చెల్లించాల్సి ఉంది. వీటికి సంబంధించిన వివరాలన్నీ సీఎఫ్‌ఎంఎస్‌లో అప్‌లోడ్‌ చేశాం. లబ్ధిదారుల ఖాతాలకే నిధులు జమవుతాయని పశుసంవర్ధక శాఖ సంయుక్త సంచాలకులు వైవీ రమణ తెలిపారు.

ఇంకా చదవండి: ఆధార్ కార్డ్ ఉన్న ప్రతి ఒక్కరికీ అదిరే శుభవార్త! అంగన్‌వాడీ, సచివాలయాల్లో ఈ నెల 20 నుంచి!

అన్ని రకాల వార్తల కోసం ఇక్కడ క్లిక్ చేయండి

మీ వ్యాపార ప్రకటనల కొరకు ఆంధ్ర ప్రవాసి డాట్ కామ్ AndhraPravasi.com ఉచితంగా అందిస్తున్న క్లాసిఫైడ్స్ Classifieds లో ప్రకటించుకొని మీ వ్యాపారాన్ని అభివృధ్ది చేసుకోండి.