యాత్రా తరంగిణి 11: కుబేరుడు పతిష్టించిన లింగం! బంగారు ఊయల! ఎన్నో విశిష్టతలు! భవానీ ఆలయం!

రచయిత: కాపెర్ల పవన్ కుమార్, 9908300831

భవాని

భవానీ తమిళనాడు ఈరోడ్ నుండి 16 కిలోమీటర్ల దూరంలో మరియు సేలం నుండి 55 కిలోమీటర్ల దూరంలో ఉంది. భవానీకి సమీప రైల్వే స్టేషన్ ఈరోడ్. ఇది చెన్నై- తిరుచ్చి-కోయంబత్తూర్ బైపాస్ మార్గంలో ఉంది.
ఈ పట్టణం, ఈ ఆలయ దేవత మరియు సమీప నది.. అన్నింటికీ ఒకే పేరు ఉంది అదే భవానీ. ఈ ఆలయం పద్మ గిరి పర్వత ప్రాంతంలో ఉంది. నాగగిరి, వేదగిరి, మంగళగిరి మరియు సంగగిరి అనే నాలుగు కొండలు ఇక్కడ ఉన్నాయి. ఇక్కడ భవాని సంగమేశ్వర ఆలయం పురాతనమైనది. దీనిని మొదటి పల్లవ రాజు మహేంద్ర వర్మ నిర్మించారు. ఈ ఆలయాన్ని ఆకాశం నుండి చూసినప్పుడు రెండు నదుల మధ్యలో ఉన్న ఒక ద్వీపంగా కనిపిస్తుంది.

సంగమేశ్వర ఆలయం కావేరి, భవానీ మరియు అమృత (ఒక అదృశ్య భూగర్భ జల వనరు) అనే నదుల సంగమం వద్ద నిర్మించబడింది. ఈ ఆలయాన్ని తమిళ సాహిత్యంలో తిరునానా అని పిలిచేవారు. ఈ ప్రదేశాన్ని దక్షిణ త్రివేణి సంగమం, కూడుత్తురై అని కూడా పిలుస్తారు. భక్తులు నది ఒడ్డున పూర్వీకుల కోసం పిండ ప్రదానాలు, సంగమేశ్వర ఆలయంలో ప్రార్థనలు చేస్తారు. ఈ ఆలయాన్ని 4 ఎకరాల స్థలంలో నిర్మించారు. 5 అంతస్తులతో కూడిన ప్రధాన రాజగోపురం ఆలయానికి ఉత్తరం వైపు ఉంది. పరమశివుడు సంగమేశ్వర అనే పేరుతో వేదనాయకి అమ్మవారితో పాటు ఇక్కడ వెలశాడు. సుబ్రహ్మణ్య స్వామి వారి ఆలయం శివ పార్వతుల మందిరాల మధ్య ఉంది. శ్రీ మహా విష్ణువు, సౌందరవల్లి అమ్మవార్ల ప్రత్యేక మందిరం కూడా లోపల ఉంది. ఈ ఆలయం శైవ - వైష్ణవ ఆరాధనల ఐక్యతకు నిదర్శనం గా నిలిచింది. 

శివుడి పట్ల ఉన్న భక్తికి గుర్తింపుగా దేశవ్యాప్తంగా ఉన్న శివాలయాలను సందర్శించడానికి కుబేరునికి ఒక విమానం బహుమతిగా లభించింది. కుబేరుడు కావేరి నది దగ్గర ఆకాశ మార్గంలో వెళ్తూ ఉండగా, నది ఒడ్డున ఉన్న గంగి రేగు చెట్టు (తమిళంలో ఇలందై, ఇలనాది) దగ్గర జింక, పులి, ఆవు, ఏనుగు, పాము మరియు ఎలుక వాటి జాతి పరమైన శత్రుత్వం లేకుండా, కలసి నీరు తాగడం చూసి ఆశ్చర్యపోయాడు. తన ఆశ్చర్యానికి సమాధానంగా కుబేరుడు ఆకాశం నుండి ఒక స్వరం విన్నాడు.. ఇది వేదాలు ఉద్భవించిన భూమి, గాంధర్వులు నివసించే స్థలం. ఇక్కడ గంగి రేగు చెట్టు క్రింద శివలింగం దొరుకుతుంది.. దానిని పూజించమని సలహా ఇచ్చింది ఆ ఆకాశవాణి. కుబేరుడు గంగిరేగు చెట్టు కింద లింగాన్ని వెలికితీసి పూజించి తరించాడు. దేవాలయంలోని గంగి రేగు చెట్టు అన్ని కాలాల్లోనూ ఫలాలను ఇస్తుంది. ఈ ఫలాలు ఇప్పటికీ ఆలయంలోని రోజువారీ పూజలకు ఉపయోగించబడుతున్నాయి. ఆలయం కింద ప్రతి అంగుళానికి ఒక శివలింగం ఉంటుందని తరతరాల నుండి చెప్పబడుతుంది. ఇక్కడి స్వామి వారిని కుబేరుడు, విశ్వమిత్రుడు మరియు పరాశుర మహర్షులు పూజించినట్లు నమ్ముతారు.

చిదంబరం మరియు సంగమేశ్వర ఆలయాల మధ్య చోళ మరియు పాండ్య రాజుల కాలంలో ఒక సొరంగ మార్గం ఉండేదని చెబుతారు. ఈ రెండు ఆలయాలలో పూజలు ఒకే సమయంలో జరుగుతాయి. ఈ ఆలయంలో అందమైన ఊయల ఒకటి ఉంది, దీనిని వేదనాయకి దేవికి 1804 వ సంవత్సరంలో బ్రిటిష్ కాలంలో భవానీ ప్రాంతానికి చీఫ్ కలెక్టర్‌గా పనిచేసిన సర్ విలియం గారో అనే ఆంగ్లేయుడు చేయించి ఇచ్చాడు. 

ఒక నాడు విలియం గారో తన అధికార బంగ్లాలో బస చేస్తున్న సమయంలో రాత్రివేళ అతను నిద్రలో ఉన్నప్పుడు, ఒక చిన్న అమ్మాయి అతన్ని మేల్కొలిపి బంగ్లా నుండి బయటకు తీసుకువచ్చింది. వారు బయటికి రాగానే బంగ్లా కూలిపోయింది. ఈ సంఘటనతో విస్తుపోయిన కలెక్టర్ ఆ అమ్మాయికి కృతజ్ఞతలు తెలిపాడు, కాని ఆమె ఆ తర్వాత కనిపించలేదు. మరుసటి రోజు, తన ప్రాణాలను కాపాడినది భవాని వేదనాయకి అమ్మ వారు అని తెలుసుకుని. అమ్మవారికి బంగారు ఊయల అర్పించాడు. ప్రజల ద్వారా అమ్మవారి గొప్పతనం, వైభవం మరియు శక్తి గురించి విన్న ఆయన ఆలయాన్ని సందర్శించి, దేవతను ప్రార్థించాలని కోరుకున్నాడు. ఆ రోజుల్లో దేవాలయాలలోకి విదేశీయులు ప్రవేశించడంపై ఆంక్షలు ఉన్నందున, అధికారులు అతని కోసం ఒక మార్గాన్ని కనుగొన్నారు. ఎలాగైనా ఆయనకు దర్శనం చేయించడానికి ఆలయ బయటి గోడపై మూడు రంధ్రాలు చేశారు. గారో ఈ రంధ్రాల ద్వారా ప్రతిరోజూ దేవతను పూజించేవాడు. ఈ రంధ్రాలు మరియు బంగారు ఊయల ఇప్పటికీ మనం చూడవచ్చు.
ఈ ఆలయంలోని రాతి శిల్పాలు ఆనాటి వైభవాన్ని మరియు అక్కడి ప్రజల సంస్కృతిని సూచిస్తాయి. అమ్మవారి సన్నిధి ముందు ఒకే విధమైన రెండు రాతి విగ్రహాలు ఉన్నాయి. ఆ విగ్రహాలపై నీరు లేదా పాలు పోసినప్పుడు, ఒక విగ్రహం మనల్ని చూసి నవ్వుతున్నట్లు, మరొక విగ్రహం దుఖంతో కన్నీళ్లు పెట్టుకున్నట్లు కనిపించడం ఇక్కడి ప్రత్యేకత. కొంగునాడు ప్రాంతంలోని ఏడు పవిత్ర శైవ క్షేత్రాలలో భవానీని తిరునానా అనే పేరుతో పిలుస్తారు. సంగమేశ్వర ఆలయం యొక్క పవిత్ర జలాలను కావేరి తీర్థం, సూర్య తీర్థం మరియు గాయత్రి తీర్థం అని పిలుస్తారు.

భవానీని తమిళనాడులోని పాప పరిహార స్థలాలలో అగ్రగామిగా భావిస్తారు. దేశం నలుమూలల నుండి ప్రజలు పుట్టుక నుండి మరణం వరకు చేసిన పాపాలకు ప్రాయశ్చిత్తం చేసుకోవడానికి ఇక్కడకు వస్తారు. కావేరి మరియు భవాని నదుల సంగమ స్థలంలో గాయత్రి లింగేశ్వర ఆలయం కూడా ఉంది. విశ్వామిత్రుడు ఇక్కడ లింగాన్ని ప్రతిష్టించి గాయత్రి మంత్రాన్ని జపిస్తూ పూజించాడు. అందుకే ఈ లింగానికి గాయత్రి లింగేశ్వర స్వామి అని పేరు పెట్టారు. కుటుంబ శాంతి మరియు విజయాల కోసం భక్తులు ఈ లింగానికి ప్రత్యేక పూజలు చేయడం మరియు పాప పరిహార తర్పణాలు చేయడం ఇక్కడ చూడవచ్చు.

మృతదేహాలను ఇక్కడ దహనం చేసినప్పుడు, వాటి కపాలం పగిలిపోకుండా ఉంటుందనే నమ్మకం కూడా ఇక్కడి ప్రజల్లో ఉంది. ఈ క్షేత్రం ఇసుక కింది భాగంలో ఉన్నాయని నమ్ముతున్న వందలాది శివ లింగాలు ఇక్కడ దహనం చేసిన మృతదేహాల పుర్రెలు పగిలిపోకుండా సంరక్షిస్తాయని నమ్ముతారు. ఆలయ ప్రాంగణానికి నైరుతి మూలలో గంగి రేగు చెట్టు ఉంది. ఇది ఈ ఆలయం యొక్క 'క్షేత్ర-వృక్షం'. ఈ ప్రదేశం యొక్క పవిత్రతను కాపాడటానికి దైవిక గ్రంథాలు తమను తాము ఇక్కడ పవిత్ర వృక్షంగా పునర్జన్మ చేసుకున్నాయని వేద ప్రసంగం సూచిస్తుంది. 

సుబ్రహ్మణ్య స్వామి మందిరం ప్రక్కనే ఉన్న జ్వర హరేశ్వర స్వామి మూడు చేతులు, మూడు కాళ్ళు, మూడు తలలతో కనిపిస్తాడు. తైమ చరిత్ర ప్రకారం, శైవ సాధువు తిరుగ్ననాసంబంధర్, తన 63 మంది శిష్యులతో ఈ క్షేత్రాన్ని సందర్శించినప్పుడు, అకస్మాత్తుగా తీవ్రమైన జ్వరం అతని శిష్యులను పట్టుకుంది. తిరుగ్ననాసంబంధర్ మరియు అతని శిష్యులు ఇక్కడ జ్వరహరేశ్వర స్వామి వారిని ప్రార్థించిన తరువాత వారు జ్వరం నుండి విముక్తి పొందారు. దక్షిణ వైపు 63 మంది శిష్యుల విగ్రహాలు కూడా మనం చూడవచ్చు.

భవానీతో సహా దాదాపు అన్ని కొంగునాడు శివాలయాలలో శనీశ్వరుడికి ప్రత్యేకమైన స్థానం ఉంటుంది. భవానీ లోని శనీశ్వరునికి గొప్ప దైవిక శక్తి ఉందని భక్తులు నమ్ముతారు. ప్రధాన మందిరం చుట్టూ ప్రదక్షిణ చేస్తున్నప్పుడు ఆలయ దక్షిణ ద్వారం లో అమృతలింగేశ్వర స్వామి వారి దర్శనం పొందవచ్చు. అమృత లింగేశ్వర స్వామి వారిని అవదుయార్‌ అనే పానవట్టం పై ప్రతిష్టించారు. ఈ లింగాన్ని పానవట్టం పై నుండి తీసి, మళ్ళీ యధాస్థానంలో ఉంచేలా ఏర్పాటు చేసారు. పిల్లలను కోరుకునే స్త్రీపురుషులు ఈ శివలింగానికి పూజలు చేసి, పసి బిడ్డను ఎత్తుకున్నట్లుగా లింగాన్ని నడుము మీద పెట్టుకుని పానవట్టం చుట్టూ మూడుసార్లు ప్రదక్షిణ చేసి, అవదుయార్‌పై తిరిగి ఉంచడం ద్వారా తమ కోరికలు నెరవేర్చు కుంటారు.
సౌర మరియు చంద్ర గ్రహణం సమయంలో కావేరి మరియు భవానీ నదుల సంగమ ప్రదేశంలో స్నానం చేసిన వారు మోక్షం పొందుతారని నమ్ముతారు.

రచయిత: 

తెలుగు ప్రవాసులకు ఉపయోగ పడే వార్తలు, వారికి  సంబంధించిన వార్తలు, వారు నివసించే ఆయా  దేశాలలో వారికి సంబంధించిన వార్తలు, ఇంకా ఉద్యోగ వార్తలు, క్లాసిఫైడ్స్, అన్ని ఒక చోటనే... క్రింది లింక్స్ పై క్లిక్ చేసి గ్రూప్ లో జాయిన్ అవ్వండి

Whatsapp group

Telegram group

Facebook group

యాత్రా తరంగిణి - దేవాలయాలకు ఎందుకు వెళ్ళాలి? దర్శనం చేసుకునే సమయం లో చేయవలసినది ఏమిటి? ప్రముఖ దేవాలయాల ప్రాముఖ్యత, విశిష్టత, విశేషాలు... వారం వారం మీకోసం...

యాత్రా తరంగిణి 10: దగ దగా మెరిసిపోయే కాంతులతో మహాలక్ష్మి అమ్మవారు! వేలూరు గోల్డెన్ టెంపుల్
 

యాత్రా తరంగిణి 9: వేల ఏళ్ళ చరిత్ర ఉన్న కాణిపాక క్షేత్రం! విశేషాలు! పూజా విధానాలు!

యాత్ర తరంగిణి 8: దేవాలయాలకు రాతి గడప ఎందుకు ఉంటుంది! ఆ గడపను తొక్కవచ్చా? ప్రదక్షణం వెనకున్న పరమార్ధం!

యాత్ర తరంగిణి 7: ఆలయం లోపల భాగంలో ఉండే ప్రదేశాలు! వాటి విశిష్టత!

యాత్ర తరంగిణి 6: దేవాలయాల ఎప్పుడు? ఎక్కడ ప్రతీష్టించాలి? శాస్త్రం ఏం చెబుతుంది?

యాత్రా తరంగిణి 5: ప్రతి దేవాలయం ఎందుకు అలా ఉంటుంది? సైన్స్ దాగుందా?

యాత్రా తరంగిణి 4: దేవాలయాల నిర్మాణం వెనుక ఉన్న అసలు కారణం

యాత్ర తరంగణి 3: దేవాలయం లోపల పాటించవలసిన కనీస నియమ నిబంధనలు

యాత్ర తరంగణి 2: దేవాలయాలు ఎన్ని రకాలు, వాటి నిర్మాణాలు ఎలా ఉంటాయి, ఉపయోగాలు ఏమిటి...

యాత్రా తరంగిణి 1 -గుడి లో సాష్టాంగ నమస్కారం, ప్రదక్షిణం తప్పనిసరా...